Te fundit
Bajerni i Mynihut rikthehet tek fitorja, mposht Hanoverin
2 Dhjetor 2017, 17:59Sport
TEMA
Bajerni i Mynihut i është kthyer fitoreve në Bundesligën gjermane pas humbjes që e pësoi javën e kaluar ndaj Borussia Monchengladbach.
Kampinët e Gjermanisë triumfuan në fushën e tyre përballë skuadrës së Hanoverit me shifrat 3-1.
Bajern kaloi në epërsi pas 13 minutave lojë, me golin e Arturo Vidalit. Miqtë patën mundësi të barazonin në minutën e 29-të, por Fullkrug humbi penalltinë.
Megjithatë, gjashtë minuta më vonë Hannoveri barazoi rezultatin në 1-1 përmes Benschop.
Në pjesën e dytë, Bayern vuajti deri në minutën e 76-të kur Coman shënoi pas një rrëmuje në mbrojtjen e Hannoverit.
Fitoren e vendasve e vulosi Robert Lewandowski në minutën e 87-të.
Kjo ishte fitorja e 10-të e Bajernit, ndërkohë që ka barazuar dy herë, si dhe ka humbur po aq ndeshje në kampionat deri më tani këtë sezon.
Bavarezët tani kanë 32 pikë në vendin e parë ne tabelë, gjashtë me shumë se RB Leipzing që ka një ndeshje më pak të zhvilluar.
Ndërkohë, Hannoveri, pas kësaj humbjeje mbetet në vendin e 10-të me 19 pikë të grumbulluara.
Lini një Përgjigje
Më të lexuarat
24 oret e fundit
Javen e fundit
Blog Tema
