Noterët, marrëveshje bashkëpunimi për e-Albanian

Qytetarët dhe bizneset shqiptare janë tashmë të çliruar nga barra e paraqitjes së dokumentacioneve në letër, kur kërkojnë të marrin shërbime të ndryshme pranë zyrave të noterëve.

Me anë të një marrëveshjeje, të nënshkruar mes kreut të Agjencisë Kombëtare të Shoqërisë së Informacionit (AKSHI), znj. Mirlinda Karçanaj dhe Presidentes së Dhomës së Noterëve, znj. Mimoza Sadushaj, prej kësaj të mërkure noterëve u çelet rruga ligjore që t’u vijnë në ndihmë qytetarëve dhe bizneseve për përfitimin e shërbimeve publike të shtetit shqiptar, duke patur kështu një rol të ri në portalin qeveritar e-Albania.

Marrëveshja rregullon pozitën ligjore të noterëve në përdorimin e të dhënave që gjenerohen nga portali. Tashmë ata sigurojnë në kohë reale certifikata personale, familjare si dhe dokumente të tjera të qytetarëve që kanë përballë dhe që kërkojnë marrjen e një shërbimi në zyrën e noterit.

Njëkohësisht, noterët mund të ndihmojnë qytetarët të aplikojnë në shumë nga shërbimet elektronike të ofruara përmes portalit e-Albania si njësimi i diplomave, aplikime për licenca në Qendrën Kombëtare të Biznesit etj.

Pas nënshkrimit të marrëveshjes, znj. Karçanaj sqaroi përdoruesit aktualë të portalit se nënshkrimi i sotëm nuk ka të bëjë me përdorimin e zakonshëm të shërbimeve të portalit.

“Në momentin kur një qytetar kërkon të kryejë një procedurë të caktuar në zyrën e noterit, nuk ka më nevojë të ketë me vete certifikatën e personale apo atë familjare, pasi është vetë noteri i cili duke aksesuar portalin, siguron në kohë reale të dhënat për të.

Gjithashtu, përmes marrëveshjes, vetë noterët mund të ndihmojnë qytetarët në aplikimin për shërbime të ndryshme elektronike të ofruara përmes portalit e-Albania”, u shpreh znj. Karçanaj.

Për të orientuar noterët në përdorimin efikas të shërbimeve që ofrohen nga portali e-Albania, AKSHI do të organizojë trajnime gjatë javëve të ardhshme.

AKSHI është institucioni menaxhues i portalit qeveritar e-Albania që ofron për qytetarët dhe bizneset mbi 520 shërbime elektronike të institucioneve shqiptare. Prej portalit e-Albania, sot qytetarët dhe biznesi shkarkojnë dokumente me vlerë ligjore, pas hyrjes në fuqi të vulës dixhitale.

Vetëm gjatë muajit nëntor janë gjeneruar online në portalin e-Albania rreth 20,000 vërtetime tatimore; mbi 97,000 certifikata të gjendjes civile; mbi 17,000 karta shëndeti dhe në total portali ka mbi 360,000 përdorues të regjistruar.

Shqiptarët lënë “shatin dhe belin”, tani merren me shërbime

17:28 Sociale

Kaosi me sigurinë ushqimore/ Evropa do ndalojë sufllaqet, çfarë pritet të ndodhë në Shqipëri?

16:10 Sociale

INTERVISTA/ Elez Gjoza: Romela sportistja më e madhe shqiptare, synojmë medalje në Europian dhe Lojrat Olimpike, kushtet e stërvitjeve…

16:03 Sociale

FOTOT/ Ja si është transformuar biblioteka “Musine Kokalari”

15:44 Sociale

Manastirliu jep lajmin e mirë, shpërblime fundviti për pensionistët, personat me aftësi të kufizuar dhe me ndihmë ekonomike

12:51 Sociale

Autoambulancë dhe sallë të re operative të shërbimit të urgjencës/ Veliaj: Shpërblim për të gjithë punonjësit e Bashkisë

12:45 Sociale

Mark Marku revoltohet me Valentina Dukën dhe Shezai Rrokajn: Janë kthyer në një bandë mafioze e tenderash

10:23 Sociale

A qajnë vetëm fëmijët shqiptarë në aeroplan?

10:21 Sociale

FOTOT/ Rrjet i ri kanalizimesh në zonën e Kinostudios, nis zbatimi i projektit të ri

09:45 Sociale

Tirana dhe Vlora me papunësinë më të lartë, Korça dhe Dibra më të ulëtën

09:51 Sociale