Te fundit
FOTO/ U vra me tre plumba në kokë në Shkodër, kush është Angjelin Shkami
17 Dhjetor 2017, 13:28Politika
TEMA
Viktima që u vra sot në Shkodër me tre plumba në kokë nuk ishte një person i panjohur për organet e drejtësisë.
Sipas Prokurorisë së Shkodrës, aktualisht Angjelin Shkami ishte në “arrest shtëpie”, pasi në prill të këtij viti ishte arrestuar me akuzën e kultivimit të lëndëve narkotike.
Mësohet se më parë ka qenë i proceduar penalisht dhe ajo që bie në sy është fakti se gjykata e shkallës së parë e kishte dënuar atë me “arrest me burg”, ndërsa kjo masë sigurie ndryshoi disa muaj më vonë në “arrest shtëpie” nga gjykata e Apelit.
Sipas dyshimeve të para mendohet se vrajsa e tij në makinë ka nd0odhur si pasojë e prishjes së një pazari për kultivimin e drogës.
Njoftimi i policisë:
Me datë 17.12.2017, rreth orës 11:10, Salla Operative është njoftuar se në rrugën që të çon tek varrezat e “Stom Golemit”, një person në një makinë, është pa shenja jete.
Shërbimet e Policisë kanë shkuar menjëherë në vendngjarje ku kanë konstatuar se në mjetin tip “Benz” me targa AA 275 BF , ndodhej trupi i pajetë i shtetasit A.Sh. 32 vjeç, banues në Shkodër, i vrarë me armë zjarri nga persona akoma të paidentifikuar.
Grupi hetimor nën drejtimin e Prokurorit ndodhet në vendin e ngjarjes ku po vazhdojnë hetimet për zbardhjen e plotë të ngjarjes.
Në vendngjarje janë gjetur dhe sekuestruar tre gëzhoja pistolete.
Janë ngritur pika kontrolli si dhe po bëhet krehja e zonës me qëllim kapjen e autorëve.
Në mbështetje të veprimeve që po kryhen nga D.V.P. Shkoder për kapjen e autorëve, janë edhe grupe të FNSh-së. (TemA)
Lini një Përgjigje
Më të lexuarat
24 oret e fundit
Javen e fundit
Blog Tema
