Nga gjoba, deri në 2 vjet burg: Çfarë rrezikon Monika Kryemadhi dhe 9 deputetë të tjerë

10 deputetë të opozitës, me në krye Monika Kryemadhin, u kallzuan penalisht nga Policia e Tiranës një ditë më parë, për veprimet e dhunshme gjatë protestës të së hënës.

Ata akuzohen për organizim dhe pjesëmarrje në tubime të paligjshme, prishje të rendit dhe kundërshtim të policisë.

Deputetët që do të ndiqen penalisht janë Monika Kryemadhi (LSI) Edi Paloka (PD) Flamur Noka (PD) Ervin Salianji (PD) Floida Kërpaçi (LSI) Gent Strazimiri (PD) Klevis Balliu (PD) Grida Duma (PD) Kejdi Mehmetaj (LSI) Endrit Brahimllari (LSI).

Konkretisht ka filluar procedimi për veprën penale të “Prishjes së rendit dhe qetësisë publike”, parashikuar nga neni 274 Kodit Penal në ngarkim të deputetëve të Kuvendit të Shqipërisë: Flamur Noka, Grida Duma dhe Edi Paloka.

Gjithashtu, ka filluar procedimi për veprën penale të “Kundërshtimit të punonjësit që kryen një detyrë shtetërore ose një shërbim publik, parashikuar nga neni 235/2 Kodit Penal, në ngarkim të deputetëve: Monika Kryemadhi, Flamur Noka, Ervin Salianji, Endrit Brahimllari, Kejdi Mehmetaj, Floida Kërpaçi, Klevis Balliu dhe Gent Strazimiri.

Procedim penal është nisur edhe për sekretarin Organizativ të PD, Enno Bozdo për veprën penale “Organizim dhe pjesëmarrje në grumbullime dhe manifestime të paligjshme”, parashikuar nga neni 262/1 i Kodit Penal.

Për sa i përket akuzave që rëndojnë mbi 10 deputetë, sipas nenit 274 i Kodit Penal për prishjen e qetësisë publike, hedhja e gurëve apo sendeve të tjera në banesën e shtetasit, krijimi i zhurmave shqetësuese si, me anë të shkrepjes së armëve apo plasjeve të ndryshme, të përdorimit jashtë rregullave të sirenave të automjeteve, apo çdo lloj tjetër sjelljeje të papëlqyeshme, në rrugë, sheshe e vende publike, që cenojnë dukshëm qetësinë e moralin apo tregon mospërfillje të hapët për mjedisin, përbëjnë kundërvajtje penale dhe dënohen me gjobë ose me burgim gjer në dy vjet.

Ndërsa kundërshtimi që i bëhet punonjësit të policisë së rendit publik, sipas nenit 146 të Kodit Penal, me qëllim për ta penguar atë për të kryer detyrën sipas ligjit, përbën kundërvajtje penale dhe dënohet me gjobë ose me burgim gjer në një vit.

Po kjo vepër, kur kryhet në bashkëpunim ose duke ushtruar dhunë fizike ose më shumë se një herë, dënohet me gjobë ose me burgim gjer në shtatë vjet. (TemA)

Shqiptari në Britani masakroi gruan 3 muaj pas martesës: Dyshonte se nuk ishte e virgjër

11:02 Kronika

Vettingu përfshin "kokat" e drejtësisë, hapet dosja e Arta Markut e Xhezair Zaganjori. Ja emrat tjerë që kalojnë në "filtër"

08:47 Kronika

Vrasje dhe vjedhje në emër të Kushtetutës, njihuni me 10 shkeljet më të rënda në 20 vjet

12:58 Kronika

Protesta e opozitës, Policia: Ndjekje penale 10 deputetëve, 6 nga PD dhe 4 nga radhët e LSI (emrat)

12:52 Kronika

FOTOT: Shfaqja e parë e Arta Markut, si kryeprokurore

12:06 Kronika

Sali Lusha: Do marr pjesë në çdo protestë të PD-së, nuk më ndalon dot kush!

11:42 Kronika

Rai Uno: Shqipëria, luftë deri në filizin e fundit kanabisit

10:46 Kronika

Ministri Gjiknuri kallëzon penalisht ish- drejtorin e LSI Dashamir Xhika: Abuzime në Tiranë-Elbasan

10:12 Kronika

Flet vëllai i “Eskobarit të Ballkanit”: Nëse ka prova, të dënohet Klemendi, jo unë

08:58 Kronika

Përplasja e protestuesve me policinë, 6 efektivë përfundojnë në spital

17:20 Kronika