Thaçi i vendosur për Demarkacionin: Nëse nuk e ratifikojmë do paguajmë çmim të lartë

Te spektri politik, në pushtet dhe opozitë, po shtohet disponimi për ratifikimin e Marrëveshjes për demarkacionin e kufirit me Malin e Zi, ka deklaruar presidenti i Kosovës, Hashim Thaçi.

Këto komente, Thaçi i ka bërë gjatë një konference për media.

Ndërkaq, dështimi i ratifikimit të kësaj marrëveshjeje ndërkombëtare, brenda dyzet ditëve të ardhshme, sipas Thaçit, do t’i kushtonte Kosovës me “një çmim shumë të lartë”.

Ai tha se aktualisht po angazhohet bashkë me kryetarin e Kuvendit, Kadri Veseli dhe kryeministrin, Ramush Haradinaj, në mënyrë që Demarkacioni të ratifikohet në Kuvend.

“Mundësitë dhe disponimi janë që Demarkacioni të kalojë”, tha Thaçi.

Sipas tij, po vërehet një disponim i gjithanshëm që të ndërpriten fajësimet dhe akuzat mes partive politike dhe vendi të lëvizë përpara me këtë çështje, e cila po e mbanë peng edhe liberalizimin e vizave për qytetarët e Kosovës.

Më 7 shkurt, theksoi presidenti Thaçi, presidenti i Komisionit Evropian, Jean-Claude Junker do të prezantojë strategjinë për Ballkanin dhe zgjerimin e Bashkimit Evropian në këtë pjesë të Evropës, andaj ai ftoi spektrin politik që të jetë i përgjegjshëm dhe i përgatitur deri në atë kohë që t’i kryejë obligimet e veta.

Thaçi tha se nëse Kosova nuk e ndihmon vetveten, nuk mund të pritet që të tjerët të kujdesen për të ardhmen e saj.

Ndërkaq, sa i përket dialogut me Serbinë, presidenti Thaçi tha se dialogu nuk ka alternativë, por jo një dialog që nuk ka një fund  qëllim. Si rezultat i këtij dialogu, Thaçi tha se ka ndryshuar gjendja në veri të Kosovës, në doganat në veri, ku Kosova kufizohet me Serbinë dhe pjesët tjera të vendit.

“Por tash, dialogu duhet të vijë në fazën përfundimtare për pajtim dhe njohje reciproke ndërmjet dyja vendeve, ose të përmbyllet me marrëveshje për të njohur të drejtën e Kosovës për anëtarësim në Organizatën e Kombeve të Bashkuara”, tha Thaçi.

Një marrëveshje e tillë, nënvizoi ai, është e domosdoshme, në mënyrë që të shmanget çdo mundësi që në rast të aplikimit të Kosovës për anëtarësim në OKB, ndonjë shtet të përdorë të drejtën e vetos.

Thaçi e ka përjashtuar mundësinë që në dialogun ndërmjet Kosovës dhe Serbisë të përfshihen sërish të gjithë akterët ndërkombëtarë si në të kaluarën. Ai tha se vendimet për të ardhmen e saj, Kosova i merr vet, kurse lehtësimin e dialogut e bën Bashkimi Evropian, me ndihmën dhe rolin e pamohueshëm të Shteteve të Bashkuara të Amerikës.

Thaçi ka folur dhe në lidhje me Gjykatën Speciale për krime lufte, e cila pritet të fillojë rastet ndaj ish-pjesëtarëve të Ushtrisë Çlirimtare të Kosovës nën dyshimet për krime lufte. Presidenti përsëriti se kjo është një padrejtësi që i është bërë Kosovës, kurse miratimin e themelimit të saj, ai e cilësoi si rezultat të partneritetit të Kosovës me miqtë e saj ndërkombëtarë.

“Unë nuk jam ideator i themelimit të Gjykatës Speciale, sepse ideator i themelimit të saj ishte raporti i senatorit Dick Marty”, tha Thaçi, duke sqaruar pozicionin e tij në mbështetje të kësaj gjykate në kohën e themelimit.

Edhe këtë herë, Thaçi ka shprehur besimin e tij se në një të ardhme jo të largët, Kosova në partneritet me NATO-n do ta themelojë edhe ushtrinë e saj.

Të premten, presidenti Thaçi pritet t’i adresohet me fjalimin vjetor edhe Kuvendit të Kosovës. Adresimi para Kuvendit është obligim kushtetues për Presidentin e Kosovës.(REL)

Zbulohet fotografia e radhë e Hashim Thaçit, ja se si dukej 30 vjetë më parë duke mbajtur pankarta në protestën e...

16:52 Rajoni

“Viza e artë”, Athina zyrtare vjen me ofertë: Bli shtëpi dhe të japim pasaportë greke, ja kush mund të përfitojë

16:12 Rajoni

ANALIZA/ Misioni i papërmbushur i Tribunalit të Hagës

14:22 Rajoni

Autostrada e Paqes Nish-Prishtinë-Durrës, ministrja serbe: Serbia nuk ka det dhe...

12:19 Rajoni

Dëshmitarët e Kosovës rrëfejnë në Beograd vrasjet e të afërmve

11:56 Rajoni

Vuçiç kërkon ndihmë nga Putin për Kosovën: Rusia të jetë ndërmjetëse

16:50 Rajoni

Shqiptarët mund të trondisin qeverinë e Maqedonisë

10:51 Rajoni

"Fshati sekret" i Serbisë në një kodër matanë Mitrovicës

20:22 Rajoni

ANALIZA/ Pesë shtete të BE-së, pengesë për perspektivën evropiane të Kosovës

18:10 Rajoni

Varrezat greke, Kotzias reagon pas vendimit të Ramës: Një hap i madh për të qetësuar shpirtrat dhe besimi mes dy vendeve

09:12 Rajoni