Te fundit
Njihuni me sekretet e mjaltit të mirë, ja si qëndron e vërteta e ngurtësimit
28 Janar 2018, 17:35Sociale
TEMA
Shumë njerëz nuk i kuptojnë arsyet që qëndrojnë pas hollimit apo dendësisë së tepruar të mjaltit.
Disa njerëz janë të mendimit se mjalti i trashë është i papërpunuar, ndërsa mjalti i hollë është përpunuar në ngrohje dhe mund të mos jetë cilësor.
Mjalti artizanal puro nuk është gjithnjë më i trashë se mjalti i përpunuar. Mjalti i ngrohtë mund të jetë më i lëngshëm, por gjithsesi kur ftohet ai arrin të kthehet në dendësinë e mëparshme.
Rrjedhimisht, dendësia nuk është mënyra e vetme për të vërtetuar nëse mjalti është puro ose i pasterizuar.
Trashësia e mjaltit varet nga burimi i nektarit. Pikë së pari, mjalti ndikohet nga vendi, moti, lagështia, reshjet, toka dhe ambienti. Së dyti, lloji i luleve ka një rol përcaktues në trashësinë e mjaltit.
Disa lloje të mjaltit me bazë lule nga vende të ndryshme të botës janë më të trashë në krahasim me të tjerët. Për shembull, mjalti i akacias është më i lëngshëm se llojet e tjera.
Disa lloje të mjaltit të luleve kanë tendencën të kristalizohen më shpejt se të tjerët dhe temperaturat e ftohta e përshpejtojnë këtë proces, veçanërisht ato nën 10 gradë Celcius.
Në klima të ngrohta, ku temperaturat arrijnë mbi 30 gradë Celcius, mjalti qëndron i lëngshëm për shumë kohë.
Nëse mjalti ka formuar kokrra atëherë vendoseni kavanozin me mjaltë në një enë me ujë të ngrohtë në temperaturë 30-35 gradë Celcius.
Koha e grumbullimit
Një tjetër arsye që e bën mjaltin të hollohet më tepër seç duhet është grumbullimi i tij nga hojet në një kohë të papërshtatshme.
Bletët i përplasin krahët e tyre në koshere për të inkurajuar avullimin e ujit deri sa mjalti të bëhet më i përqendruar dhe më pas i mbulojnë hojet me dyll.
Nëse mjalti mblidhet përpara avullimit të plotë të ujit, atëherë përmbajtja e lagështisë do të jetë e lartë.
Ndaj, mjalti i hollë e i lëngshëm nuk është gjithnjë tregues i falsifikimit ose i sheqerosjes. Kjo do të thotë se dendësia e mjaltit nuk duhet të jetë gjithnjë vendimtare për pastërtinë ose cilësinë e mjaltit.
Bakteret e kanë të pamundur të riprodhohen tek mjalti falë përbërjes së tij, ndaj natyrshëm lind pyetja përse kompanitë e mëdha e pasterizojnë mjaltin? Pasterizimi është më shumë një çështje marketingu.
Disa lloje të mjaltit kristalizohen më shpejt dhe një gjë të tillë konsumatorët e perceptojnë si defekt. Pasterizimi vonon kristalizimin dhe ruan paraqitjen e këndshme të mjaltit të reklamuar nëpër rafte.
Prodhuesit artizanalë të mjaltit në Shqipëri habiten gjithnjë kur i pyet nëse mjalti është puro apo i pasterizuar. Habia qëndron në faktin se mjalti nuk ka nevojë të pasterizohet.
Kuriozitet – A janë të ngrënshme hojet?
Po, hojet janë plotësisht të ngrënshme. Bletët e bëjnë dyllin e tyre nga nektari. Disa njerëz i kafshojnë dhe përtypin hojet duke larguar vetëm dyllin e fortë.(AgroWeb)
6 komente në “Njihuni me sekretet e mjaltit të mirë, ja si qëndron e vërteta e ngurtësimit”
Lini një Përgjigje
Lini një Përgjigje
Më të lexuarat
24 oret e fundit
Javen e fundit
Blog Tema
Po tregoj se qfar me ka ndodh me mjaltin qe bleva ne Elbasan ne korrikun e vitit te kalum.
Me qe isha ne Lligjat e Elbasanit nje Elbasanas me tregon se ne nje mini fabrik ka mjalt origjinale dhe besova .
Bleva 7 kg duke qen i sigurt .
Kur vi ne Finland ja dha vajzes nje gastare ajo e merr dhe i ban analizat ne laboratorin ku punon dhe na dual mjalta 90% shiqer.
Pyet te vuajturin- ka thene populli ,e jo te diturin!
Autori i ketij shkrimi eshte mjaftuar te mbushe faqen e gazetes e jo te jape informacion te sakte e konkret per qytetaret bleres te mjaltit!
Nuk jam specialist,por nga pervoja ime 20 vjecare ne Malesine e Madhe,Shkoder,kam konsumuar MJALT SHEREBELE pa e ndryshuar ne asnje rast me mjalte te tjere dhe ne 100 % te tyre mjalti si ne dimer e ne vere asnjehere nuk eshte ngurtesuar, shoqeruar edhe me nje arome fantastike!
Pra asnjehere nuk ka luajtur rol as lageshtia,as temperatura e tj!
Mbase ketu ndikon thjesht lloji i nektarit te luleve te caktuara,qe per mua sherebeli eshte mbreti i luleve qe prodhon mjalt te mrekullueshem!
Po këtë mjaltin e finlandës ë ke provuar!!!!!
Këtu bletet ë mbledhin nëpër borë se ska lule hahahaha. Nuk thua shyqyr qe kishte te paktës 10% Hahaha
Bashkohem me Everestin sepse kemi pas blete ne shtepi the ato ushqeheshin kryesisht me sherebel Ai mjalt ishte I shijshem dhe nuk sheqerosej. Kam dy vjet qe mjaltin e mar te nje miku im qe prodhon vetem per familjen e vet dhe nuk sheqeroset. Argumentat e shkrimit nuk bindin.
shkrim koti. gazetari komplet bylmez qe sia ka idene nga adulterimi/fallsiikimi i mjaltit.
Ca thoni keni ngren mjalte ne evrope. Kam provuar mjalt grek spanjoll italian portuges franceze. Dhe asnjeri nuk vjen era lule si mjalti i malit te gramozit erske. Kush do mjalte nga 1500 lule te ndryshme ne natyre pa adnje lloje pesticidi vetem erseka prodhuesit e malit te gramozit.