Te fundit
Rama: Këta aktorët tanë, janë të vetmit në botë që ngrihen në protesta për mure dhe kartonxhesa…
15 Shkurt 2018, 11:15Politika
TEMA
Kryeministri Edi Rama, ndërsa ka replikuar me deputetë e PD në Kuvend, ka thumbuar edhe aktorët që janë ngritur në protest kundër ndërtimit të Teatrit të ri.
Rama thotë se aktorët shqiptarë, janë të vetmit që dalin në protestë për mure.
“Çfarë kërkoni nga ne, që t’ju ndërtojmë Kinostudion e re këtyre?
T’ju ndajmë rolet që do luajnë apo t’ju shtrojmë tapetin e kuq?
Këta aktorët tanë janë të vetmit në botë, që ngrihen në protestë për mure dhe kartonxhesa.
Ne do ta shembim Teatrin e vjetër dhe do të ngrejmë një të ri, për këtë të jeni të qartë”, tha Rama.
“Pse po fyhen artistët dhe aktorët? Ju jeni të gatshëm që kapeni pas çdo fije bari me shpresën se ajo është Leva e Arkimedit. Ne nuk jemi të përsosur, por jemi të pakonkurrueshëm. Nuk na konkurroni dot.
Ne nuk kemi bërë aq sa ke nevojë ky vend, sepse nuk mund të ndërtojmë të gjithë teatrot, muzetë dhe stadiumet që i duhen këtij vendi, por kemi ndërtuar për herë të parë që nga viti 1991, teatro, muzeume dhe stadiume dhe do vazhdojmë të tjera.
Atë godinë aty do e shembim dhe do krijojmë hapësirën europiane për të dhënë shfaqje, për të dhënë teatër dhe për të bërë teatër.
Ky teatër mund të vazhdojë, ju mund t’i bini sa të doni daulleve të zhurmës.
Në teatrin e ri do të shkoni si spektatorë, se keni që në vitin 1991 që nuk shkoni në teatër,” vijoi Rama. (TemA)
7 komente në “Rama: Këta aktorët tanë, janë të vetmit në botë që ngrihen në protesta për mure dhe kartonxhesa…”
Lini një Përgjigje
Lini një Përgjigje
Më të lexuarat
24 oret e fundit
Javen e fundit
Blog Tema
Ti je i vetmi kryeminister ne bote qe shet shtetin si qen per kulla dge HECe
Ti je kryeministri me maskara ne bote qe vjen me premtie te cilat i shkel ne menyren me arrogante duke tradhetuar dhe shitur vendin.
Mod te themi ate gomarllekun e shekullit, qe je i vetmi ne bote, si kaqoli me i madh e me i pacipe i kesaj bote, qe vajte ne Amerike per te bere propagande zgjedhore.
Fole dhe ne televizor pale..
Po ka amerikane atje qe dine te flasin anglisht, jane dhe aktore, dhe jo dangalle si puna jote.
Qetesohu Mirel, seje zverdhur me boje blu, apo jo?
Me jarget e terbimit tend, do projektojme hidrocentrale qe do prodhojne kotesi, limonti dhe obllomovizem qe u duhet aktoreve tane te cileve u ka ardhur koha e oturakut, para daljes ne skene.
Ti Mirel po thua se presidentin U.S.A, e duan të gjithë Amerikanët? Shikoji pak sondazhet dhe do të bindesh. Unë jamë dakort me ty, që nuk ka çfarë i duhet një pushtetari në Shqipëri se kush zgjidhet president në U.S.A, por këtu artikulli flet për teatrin dhe jo për presidentin e U.S.A. Shaje me fakte brënda temës dhe jo më broçkulla. Sa për teatrin, do të thoja se aktorët tanë të nderuar duhet të marrin një pension të veçantë për kontributin, por po qe se duan të vazhdojnë të luajnë role duhet ti nënshtrohen ligjeve të tregut. Sepse do thosha unë, në rast se aktorët tanë paguhen shumë pak, po aktorët e spektakleve humoristike që nuk dhurojnë asgjë tek spektatori përveçse banalitete paguhen disa herë më shumë se aktorët tanë të famshëm. A e di pse? Sepse i janë nënshtruar rregullave të tregut.
Mirel, shko pi ilacet.
“The Globe” u ndertua me 1599 por akoma nuk ka dale ndonje si KM yne ne Londer me ide per ta prishur dhe ndertuar tjeter ne vend te tij, njesoj si dhjetra te tere ne West End. teatri kombetar eshte unik ne historine e shqiperise jo per vlera tulle por vlera memorje. kujt nuk i dhimbset historia e vet?
The Globe qe kur u ndertua, u ndertua si Teater! Ndertesa qe sot eshte Teatri Kombetar, ka qene nje gazerne ushtrie e pershtatur pas Clirimit per salle teatri! E kupton ndryshimin!? Kekohet te ndertohet qe nga fillimi nje ndertese e re per TEATER!
Po perse mos ngrihen per murret ne proteste zoti kryeminister. Teatri eshte shtepia e tyre. Nese ju e te tjere si ju, ju nxjerrin nga shtepia pa transparence, a do rrinit ju urte? Po ju jeni mesuar me ‘Tregtine e Tulles e Kartonxhesit ‘ se ka Fitim.Pastaj habiteni pse i dhemb aktoreve. Ju jetoni ne Lluks zoti kryemister- ish-piktor, aktoret ( miqte tuaj) bejne Art me therrime.