Te fundit
AI: Shqipëria, pak përparim kundër krimit e korrupsionit. Gazetarët, të dhunuar dhe kërcënuar (sjell rastin e Gjin Gjonit dhe gruas së tij)
22 Shkurt 2018, 18:24Sociale
TEMA
Gjin Gjoni duke dale nga gjykata
“Rruga e Shqipërisë për anëtarësimin në BE u pengua nga përparimi i ngadalshëm në luftën kundër korrupsionit dhe krimit të organizuar”.
Ky është një ndër përfundimet për Shqipërinë në raportin vjetor që organizata Amnesty International publikoi sot për situatën e të Drejtave të Njeriut në botë gjatë 2017.
Sipas raportit “masat për të siguruar pavarësinë e gjyqësorit u zbatuan pjesërisht”, ndërsa sillet në vëmendje ankimimi në Gjykatën Kushtetuese nga ana e dy shoqatave të gjyqtarëve për disa nene të ligjit për verifikimin e gjykatësve dhe prokurorëve, të cilat u hodhën poshtë në fund të vitit nga Gjykata.
Sa i përket “Lirisë së shprehjes”, raporti i Amnesty International thekson se “sulme fizike kundër gazetarëve investigativ u kryen nga kriminelët e organizuar, ose pronarët e kompanive private.
Në mars, gazetari Elvi Fundo u rrah në kryeqytet, Tiranë, nga agresorët që besohej se ishin të lidhur me krimin e organizuar.
Në qershor, pronari i një stacioni televiziv, Erven Hyseni u qëllua për vdekje në Vlorë, së bashku me një zyrtar qeveritar”.
Raporti sjell në vëmendje gjithashtu paditë për shpifje të ngritura nga gjykatësi i Apelit Gjin Gjoni ndaj dy mediave.
“Në korrik gazetarët thanë se procedimet për shpifje nga ana e gjyqtarit Gjoni dhe bashkëshortës së tij Elona Çaushi, kishin për qëllim të trembnin gazetarët hulumtues dhe të inkurajonin vetëcensurimin”.
Lidhur me dhunën ndaj grave dhe vajzave Amnesty International vëren se “raportimet për dhunë në familje janë rritur”, duke përmendur faktin se “deri më 1 qershor, ishin lëshuar 420 urdhra për mbrojtje të menjëhershme”.
Raporti përmend gjithashtu rastin e vrasjes gushtin e kaluar të gjykatëses Fildeze Hafizi e cila u qëllua në makinën e saj nga ish burri i saj, duke kujtuar se ai ishte dënuar më parë për dhunën ndaj bashkëshortes por ishte liruar në fillim të vitit 2017 pas një amnistie të përgjithshme.
1 komente në “AI: Shqipëria, pak përparim kundër krimit e korrupsionit. Gazetarët, të dhunuar dhe kërcënuar (sjell rastin e Gjin Gjonit dhe gruas së tij)”
Lini një Përgjigje
Lini një Përgjigje
Më të lexuarat
24 oret e fundit
Javen e fundit
Blog Tema
Po kusht eshte i pari ne bote per te drejtat e njeriut? Se po te marrim shtetet europiane qytetaret e tyre jane demtuar nga atentatet terroriste qe u jane bere ketyre vendeve. Pra, del qe qeverite e tyre nuk kane qene ne gjendje te sigurojne qytetaret e tyre. Me disa vrasje aty ketu Shqiperia duhet te rreshtohet nder te parat. Pra, varet se si i interpreton gjetjet ne vendet e tjera dhe se si desheron ti shikosh gjerat nese je biased se keto vende jane me te mirat.