Te fundit
Daçiç në Afrikë: Ishujt Komore të tërheqin njohjen e Kosovës
2 Mars 2018, 18:16Rajoni
TEMA
Ministri i Jashtëm i Serbisë, Ivica Daçiç, i ka bërë thirrje Ishujve Komore që ta rishikojnë vendimin për njohjen e pavarësisë së Kosovës, që ky shtet e ka marrë në vitin 2009.
Daçiç, i cili gjendet në këtë vend momentalisht, ka thënë se ky vendim i Ishujve të Komoreve është kundër parimeve që vet ky shtet i mbron kur është fjala për integritetin territorial.
“Ne që kemi probleme të njëjta, duhet ta mbështesim njëri-tjetrin. Në këtë kuptim, duam ta lusim qeverinë, presidentin, kabinetin e ministrit që ta tërheqin njohjen, sepse Kosova është si Katalonja dhe ne angazhohemi për dialog, por jemi kundër akteve të njëanshme”, ka thënë ai.
Daçiç, kohët të fundit, ka nisur një fushatë lobimi kryesisht në shtete të Botës së Tretë duke u bërë thirrje që ta tërheqin vendimin për njohjen e pavarësisë së Kosovës.
Për këtë arsye ai është përplasur me Behgjet Pacollin, kryesisht rreth lajmeve se Surinami dhe Guinea Bissau kanë marrë vendim për të tërhequr vendimin për njohjen e Kosovës.
Nga ana tjetër, pavarësisht kësaj fushate të egër të kryediplomatit serb, i cili mbështetet edhe nga Rusia, President Thaçi ka shfaqur gatishmërinë që të shkojë në Bruksel për bisedime me Serbinë, pa e ngritur këtë çështje para zyrtarëve evropianë.
2 komente në “Daçiç në Afrikë: Ishujt Komore të tërheqin njohjen e Kosovës”
Lini një Përgjigje
Lini një Përgjigje
Më të lexuarat
24 oret e fundit
Javen e fundit
Blog Tema
Veq birisha i vjen hakut ketyre shkijve
Dacic shkon ne vendet e treta qe jane tevarfera dhe te vogla. Ne se BEtherret per pajtim, dhe njohjen e Kosoves nga Serbia perse lejohet Dacic te loboje kundra shtetit te Kosoves?