Te fundit
Majko e Nikolla takim me kryebashkiakun e Bolonjës: Mësimi i gjuhës shqipe të përfshihet në sistem
27 Mars 2018, 14:32Kulturë
TEMA
Arsimi shqip në Itali, ishte në qendër të diskutimeve që zhvilluan dy Ministrat Pandeli Majko dhe Lindita Nikolla me Kryetarin e Bashkisë së Bolonjës, Virginio Merola dhe Zëvendëskryetaren Marinela Pilati. Duke i falenderuar për mbështetjen që u kanë ofruar studentëve shqiptarë, Ministri Majko kërkoi mbështetjen e autoriteteve rajonale që fëmijët shqiptarë të mësojnë gjuhën shqipe.
“Do t’iu ishim shumë mirënjohës nëse do të na ndihmoni në këtë aspekt”, ishin fjalët e Ministrit, i cili i njohu zyrtarët e lartë me eksperiencat pozitive që kishte hasur në vende të tjera, ku krijohej hapësira e mësimit të shipes gjatë fundjavës. Majko foli për marrëdhënien e veçantë që ka komuniteti shqiptar me Italinë, ku siç tha, nuk ndihet si diasporë.
“Shqiptarët nuk ndihen shumë si diasporë në Itali për shkak të marrëdhënies së veçantë që kanë me këtë shtet. Për këtë arsye, ne kemi ardhur këtu për të nxitur risktrukturim të një komuniteti që nuk është më vetëm i madh por edhe shumë cilësor. Po mendojmë edhe për organizimin e rrjeteve shqiptare të biznesit, sepse besojmë që kjo gjë do të ndihmojë në rritjen e bashkëpunimit mes dy vendeve”, u shpreh Ministri. Ndërkaq, Ministrja Nikolla falënderoi autoritetet e Bolonjës për mikpritjen, që siç tha, tregon edhe një herë miqësinë e ngushtë mes dy vendeve. Znj. Nikolla u ndal tek projektet e marrëveshjet e përbashkëta me Italinë në fushën e arsimit, të cilat kanë ndihmuar në ringritjen e sistemit arsimor shqiptar në parametra tepër cilësorë. Duke iu referuar projektit “Iliria”, mbi bazë të së cilit italishtja është gjuhë e parë për 30 përqind të studentëve në Shqipëri, Ministrja e Arsimit kërkoi bashkëpunimin e autoriteteve rajonale për të mundësuar mësimin e shqipes ne këtë qytet.
“Mendoj se është shumë e rëndësishme që në një Europë multikulturore e shumëgjuhësore edhe fëmijët shqiptarë të kenë mundësinë të studiojnë gjuhën shqipe. Ne do të donim që të ndihmonit më shumë shoqatat shqiptare, që përmes mësuesëve të mirëtrajnuar, të kenë mundesi të ofrojnë mësime cilësore të gjuhës shqipe”, tha znj. Nikolla.
Nga ana e tyre Kryetari dhe Zv.kryetarja e Bashkisë theksuan rëndësinë që krahas përpjekjeve për integrimin e fëmijëvë shqiptarë në Itali, të punohet edhe për
ruajtjen e gjuhës dhe identitetit të vendit të origjinës. Ata u shprehën të gatshëm që të konsiderojnë mundësinë e vënies në dispozicion të hapësirave ku mund të zbatohet ky lloj program për fëmijët e të rinjtë shqiptarë.
3 komente në “Majko e Nikolla takim me kryebashkiakun e Bolonjës: Mësimi i gjuhës shqipe të përfshihet në sistem”
Lini një Përgjigje
Lini një Përgjigje
Më të lexuarat
24 oret e fundit
Javen e fundit
Blog Tema
pirdh pirdh! Ju akoma nuk e keni idene çfare eshte sistemi arsimor kombetar e cfare prioritetesh ka. Italia s ka asnje detyrim ndaj shqiptareve, perveç se ndaj bashkesise arbereshe qe e mbron me ligj. Jo po do merret bashkia e Bolonjes me mesimin e gjuhes shqipe qe s e ka fare as kompetence e as nerak politik. Kete pune duhet ta bente nje institut i kultures shqiptare siç e ben per shembull aleanca franceze ne Shqiperi. Po ju bridhni e derdellitni sa per te hequr nje udhetim qyl
o Majko, o legena! Mesojuni atyre qe keni ne Shqiperi shkolle, jo atyre jashte. Ata nuk vine me dhe nuk ju hyn ne pune shqypja. Shqypja eshte gjuh , e skamjes, gjuhe e horrave, e drogaxhinjve,e hajduteve qeverritare
Po keto mostra shkatrruan arsimin ne shqiperi,a thu valle te kete shteti italian nje ministre me diplome te nje universiteti qe ka dhene diploma fallse dhe qe eshte mbyllur dhe ne proces hetimor.Ik moj ministre injorante,ato shqiptar qe jetojne aty kane ikur nga shqiperia vetem prej jush,a e kuptoni se sa ju dojne,ikni injorantat e ministrise arsimit e emigracionit.