Te fundit
Balla inspekton banesën e dëmtuar nga rrëshkitja në Elbasan: Të angazhohemi për t’i ndihmuar
28 Mars 2018, 17:31Sociale
TEMA
Kryetari i Grupit Parlamentar të Partisë Socialiste, Taulant Balla ka parë nga afër banesën e Petrit Vrapit në Njësinë Administrative Papër, e cila ka pësuar dëmtime të mëdha dhe është bërë e pabanueshme për shkak të rrëshkitjeve të tokës.
Gjatë inspektimit, Balla i kërkoi banorëve të kësaj shtëpie që të largohen sa më parë nga banesa, pasi qëndrimi në të është i pamundur dhe i rrezikshëm.
Ai i siguroi ato se do të fillojë sa më shpejt procedura për dëmshpërblimin.
“Së bashku me Kryetarin e Këshillit të Qarkut, Administratorin e zonës dhe zyrtarë të tjerë pamë nga afër gjendjen e kësaj familje, ndërsa kërkuam që sa më parë të jetë e mundur kjo familje të largohet nga banesa dhe të strehohen tek të afërmit disa ditë, derisa t’u dërgohet një çadër dhe më pas të fillojnë procedurat e dëmshpërblimit.
Kërkesa e tyre është të qëndrojnë pranë tokës, por në vlerësimin tonë kjo është një shtëpi e pabanueshme dhe e rrezikshme”, deklaroi Balla.
Sipas Ballës, “e rëndësishme është që sidomos gruaja dhe fëmijët e të mos qëndrojnë në banesë dhe ne menjëherë do të angazhohemi për t’i ndihmuar”.
Lini një Përgjigje
Më të lexuarat
24 oret e fundit
Javen e fundit
Blog Tema
