Te fundit
Deklarata e papritur e deputetit të LDK: Ngjarjet e fundit në Kosovë, skenar nga Thaçi, Rama e Vuçiç
3 Prill 2018, 08:48Rajoni
TEMA
Deputeti i Kuvendit të Kosovës nga radhët e Lidhjes Demokratike të Kosovës, Naser Rugova, ka thënë se ngjarjet e ditëve të fundit në Kosovë kanë qenë të përgatitura.
Duke iu referuar ndërhyrjes së Policisë së Kosovës në veri të vendit për ta arrestuar zyrtarin serb, Marko Gjuriq, dhe dëbimit nga Kosova të gjashtë shtetasve turq, me kërkesë të Turqisë, Rugova ka thënë se ato janë bërë me një skenar të udhëhequr nga presidenti i Kosovës, Hashim Thaçi, dhe kryeministri i Shqipërisë, Edi Rama.
Sipas Rugovës, në përgatitje të këtij skenari ka gisht edhe presidenti i Serbisë, Aleksandar Vuçiç. “Po tentojnë të arrijnë, me Aleksandar Vuçiçin, që ta bëjnë një kompromis serbo-shqiptar”, ka thënë Rugova në emisionin “DPT Te Fidani”, në televizionin T7.
“Hashim Thaçi është notari më i mirë në ujëra të turbullt dhe në kriza”, ka deklaruar Rugova. “E ka mbrapa Edi Ramën, me një qasje të çuditshme”, është shprehur deputeti i LDK-së.
Duke folur më tej për Thaçin, Ramën e Vuçiçin, Rugova ka thënë se ata përbëjnë “një treshe që po funksionon ‘par exellence’”.
Rugova ka pyetur pse Thaçi dhe Vuçiç kanë zhvilluar takime të fshehta. “Pse dialogu të udhëhiqet mes presidentëve, kur ne jemi republikë parlamentare?”, ka thënë ai.
“Pse të takohen? Për çka të takohen ata?”, ka pyetur më tej Rugova. Ai ka thënë se LDK nuk do të lejojë që Kosova të dëmtohet. “LDK është këtu ta ruajë këtë shtet”, është shprehur ai
3 komente në “Deklarata e papritur e deputetit të LDK: Ngjarjet e fundit në Kosovë, skenar nga Thaçi, Rama e Vuçiç”
Lini një Përgjigje
Lini një Përgjigje
Më të lexuarat
24 oret e fundit
Javen e fundit
Blog Tema
Po Erdogani ku ishte??!! Apo mos valle edhe forcat speciale turke ishin serbe te derguara nga Vucic??!! Ju te gjithe, ne Kosove e Shqiperi, jeni lidhur mish e thua me Turqine, i peruleni e jargaviteni Erdoganit dhe e trajtoni ate si hero, aleat e vella e deri si baba e mbrojtes te kombit “shqiptar” per tu treguar ne emer te tij “forcen” gjitoneve (Greqise e Serbise) me nje nacional-shovinizem qesharak!
Jo more jo! Ju jeni fajtoret qe i keni hapur shalet Erdoganit ne Shqiperi e Kosove dhe askush tjeter! Lerini shpikjet per “skenare” dhe “provokacie” te serbit, grekut e rusit! Tani prisni perdhunimin e radhes nga Erdogan dhe ju prap do te deklaroni “provokacia” serbo-ruso-greke!!!
E pra, “mbeshtetja” Erdogan per “mbrojtjen” dhe “bashkimin e kombit” ka edhe nje cmim te “vogel”, perdhunimin, c’kombetarizimin, turqezimin, islamizimin dhe rikthimin e ribashkimin me ……. Perandorine Otomane te Turqise Erdoganiste!
Ju pelqen? Shijojeni!
Bravo klimax
….