Te fundit
Dhuna më 5 Maj, "shpërthen" Auron Tare: Shërbyesit e komunizmit veshën kostume "Armani" dhe u bënë demokratë
8 Maj 2018, 09:28Politika
TEMA
Historiani Auron Tare ka komentuar incidentin në ‘5 Maj’ mes disa simpatizantëve të regjimit komunist me disa simpatizantë të PD në “Varrezat e Dëshmorëve”.
Ai tha se incidente të tilla ndodhin si pasojë e një çështjeje që ka 30 vjet që debatohet, por asnjëherë nuk zgjidhet. Sipas historianit, një pjesë e atyre që ishin shërbyes të regjimit komunist, veshën kostume ‘Armani’ dhe u bënë demokratë.
“Mendoj që reagimi që ndodhi në atë përplasje është pasojë e një çështjeje që ka 30 vjet që debatohet, por asnjëherë nuk zgjidhet.
Një pjesë e atyre që ishin shërbyes të regjimit komunist, veshën kostume ‘Armani’ dhe u bënë demokratë, u konvertuan në demokratë.
Në këtë periudhë 30-vjeçare, ligji këtu në Shqipëri nuk i ndalon simbolet komuniste.
Në Shqipëri nuk kujdesen për historinë dhe të kaluarën e vendit.
Mendoj se kjo është e qëllimshme, është edhe neglizhencë. Kush u dënuar për 45 vitet e komunizmit? Askush nuk u dënua”– tha Tare, i ftuar në emisionin ‘Studio e Hapur’ të gazetares Eni Vasili në News24,.
Lini një Përgjigje
Më të lexuarat
24 oret e fundit
Javen e fundit
Blog Tema
