Te fundit
FOTOT: Gjiri i Gramës, një ndër mrekullitë e bregdetit shqiptar
13 Maj 2018, 14:52Turizëm
TEMA
Jemi në pragfillimin e sezonit turistik veror dhe deti bëhet prioriteti kryesor i turizmit të kësaj stine.
Një nga destinacionet për pushime detare është bregdeti i Jonit. Në këtë vijë bregdetare ka plazhe si ai i Vlorës, Dhërmiut, Himarës dhe Sarandës që janë hapësira të mëdha e presin shumë vizitorë, por në këtë bregdet ka dhe gjire të vegjël por mjaft piktoreskë, intimë, të përshtatshëm për plazh familjar apo shoqëror.
Një i tillë është edhe Gjiri i Gramës në Orikum.
Saktësisht gjendet në rrëzën e shpatit perëndimor të malit Rrëza e Kanalit, në perëndim të qytezës së Orikumit në rrethin e Vlorës.
Gjiri detar futet disa qindra metra në tokë, ku formon një bregdet shkëmbor me foleza. Aty ka dhe disa shpella nënujore.
Peizazhi natyror është shumë tërheqës për çdo vizitor. Ky gji është përdorur shumë për mbrojtjen e anijeve nga furtuna në det.
Gjithashtu ai është përdorur gjatë në antikitet si gurore. Gurorja e Gramës është mjaft e njohur që në lashtësi.
Detarët që strehonin aty anijet, punëtorët që nxirrnin blloqe shkëmborë që përdoreshin për ndërtim në qytetet ilire e më gjërë, kanë gdhendur edhe emrat në faqet shkëmbore e shumë të dhëna të tjera që bëjnë kureshtar vizitorin.
Ndaj dhe shpesh shpella që ndodhet aty emërtohet si shpella e shkrimeve. Arkeologët i kanë studiuar dhe kanë shkruar për këto dokumente historike të gdhendura në shkëmb.
Vlerat e këtij monumenti natyror janë shkencore, historike, kulturore e turistike.
Por sot ky gji i bukur detar shfrytëzohet si një plazh i vogël e intim.
Drejt tij shkohet me rrugë tokësore, por edhe detare. Shfrytëzohet nga aventurierët e ujit dhe të shpellave./ata/
4 komente në “FOTOT: Gjiri i Gramës, një ndër mrekullitë e bregdetit shqiptar”
Lini një Përgjigje
Lini një Përgjigje
Më të lexuarat
24 oret e fundit
Javen e fundit
Blog Tema
Ja sa ti fusi timonieri nji pedonale dhe ta dhjesi me mut
Kjo gropa e bukur ketu nuk krahasohet as me nje perrua ne Greqi. Jemi mendjemedhenje dhe injorante. Popull qe u izolua 45 vjet dhe vazhdon dhe thote perla shqiptare.
O tope vogel.
Pedonalet, o kellire, te kane hequr barrakat me teneqe, mbeturinat parahistorike dhe pluhurat qe te mbysnin frymen kur kaloje, o kellire! Po ti si duket, kelliren e paske ne gen.