Ivica Daçiç: Liderë shqiptarë më kanë thënë se ndarja e Kosovës është një zgjidhje e mirë

Ministri i Jashtëm serb, Ivica Daçiç, është shprehur se mes shqiptarëve dhe disa liderëve të tyre politikë, ideja e ndarjes së Kosovës konsiderohet normale dhe racionale. Sipas tij, janë mentorët e shqiptarëve, pra fuqi të huaja, ato që imponojnë axhendë tjetër në bisedimet me serbët.

“Unë e them sërish, se nëse shqiptarët do të uleshim dhe të flisnim me ta për mentorët e tyre, do të binin dakord për ndarjen e Kosovës, sepse është një zgjidhje e mirë edhe për ta. Disa liderë shqiptarë ma kanë thënë këtë gjë hapur mua”, është shprehur Daçiç.

Sipas tij, iniciativa e presidentit Vuçiç për të gjetur një zgjidhje për Kosovën është shumë e vështirë, pasi është thuajse e pamundur të negociosh një zgjidhje të mirë me një palë që ka përkahës të fuqishëm që janë të gatshëm të përmbushin çdo kërkesë të shqiptarëve.

I pyetur mbi qëndrimet e Kishës Orthodhoske Serbe, Daçiç ka thënë se ai respekton Kishën, por se nuk shikon që ajo të ofrojë ndonjë zgjidhje për këtë situatë.

Ideja serbe e ndarjes së Kosovës është riaktivizuar së fundmi me çështjen e Asosacionit të Komunave, ndërkohë që ajo po paraqitet si zgjidhje kompromisi, kur në fakt ngjan më shumë të jetë një fitore politike serbe.

Aktualisht Kosova është jashtë juridiksionit të Serbisë dhe Beogradi nuk ka realisht asnjë mundësi për ndërhyrje direkte në shtetin e ri, kufijtë e të cilit janë përcaktuar edhe me dokumentin që Serbia e ka më shumë përzemër: Rezolutën e OKB-së 1244.

Në thelb kërkesa për ndarje zhbën edhe alibitë juridike dhe kushtetuese të Serbisë ndaj Kosovës, e cila i ekspozohet ndarjes si opsion, jo sepse është në vetvete më i miri, por sepse Kosova është shtet i dështuar. Më I dështuar ndoshta edhe se Shqipëria për shkak të krimit dhe korrupsionit. Dhe një shtet i tillë nuk krijon dot legjitimitet të institucioneve, as përbën zgjedhje për qytetarët e vet.

Përplasje fizike në protestën kundër serbëve të Kosovës

18:48 Rajoni

Analistët: Bisedimet Kosovë-Serbi do të jenë të vështira

18:24 Rajoni

Çështja e emrit, Maqedonia dhe Greqia arrijnë një "marrëveshje"

15:43 Rajoni

Partia qeverisëse e Malit të Zi fiton zgjedhjet lokale

10:53 Rajoni

Nga burgu në spital, shqiptarët rrahin huliganin që dhunoi Zijadin Selën

09:48 Rajoni

"Gatitu para gjenerales", njihuni me zonjën e "hekurt" të ushtrisë

17:28 Rajoni

Vrasja e Ivanoviçit, Serbia e pakënaqur me Kosovën: Kërkojmë hetime nga EULEX

17:05 Rajoni

A po dorëzohet LDK ndaj Thaçit si kryenegociator i bisedimeve me Serbinë?

21:35 Rajoni

ANALIZA: "Asociacioni po zvarritet për finalen e dialogut"

13:18 Rajoni

Qeveria serbe përkrah Vuçiçin: Serbia nuk dëshiron luftë të re për Kosovën

10:45 Rajoni