Veliaj publikon foton kur ishte 4 vjeç me babain te Amfiteatri: Sot rihapet më modern

Amfiteatri i Liqenit Artificial të Tiranës do të hapet sot në mbrëmje përmes një spektakli fantastik e plot surpriza që ka rezervuar Bashkia e Tiranës për qytetarët. Pak orë para përurimit, kryebashkiaku Veliaj ka publikuar në profilin e tij në twitter një foto të tij në moshën 4-vjeçare ku shfaqet bashkë me të atin pikërisht në Amfiteatrin e Liqenit. 

 “Herën e parë tek Amfiteatri i Liqenit kam qenë 4-vjeç me tim atë. Falë punës titanike të @aprtirana, sot rihapet më modern e më i bukur se kurrë. Mos mungo sonte & merr me vete fëmijët. Asnjëherë nuk i dihet se cili prej tyre do të frymëzohet që ta transformojë Tiranën nesër”, shkruan Veliaj në Twitter.

34 vjet më vonë, në detyrën e kryebashkiakut, Veliaj mori përsipër transformimin e tij nga një gërmallë dhe vend depozitimi mbeturinash, në një skenë teatrore në natyrë duke i rikthyer shkëlqimin e dikurshëm.

Prova e parë do të jetë mbrëmja e sotme, ku do të bëhet edhe hapja e tij përmes një feste që do të fillojë nën tingujt e Olen Cesarit. Muzikale, Balet, Simfoni, Arie, Uvertura, Marshe Muzikore si dhe pjesë nga repertori botëror dhe shqiptar do të jenë ajo që do të shikojë publiku artdashës i kryeqytetit. Po ashtu, nën dirigjimin e Noorman Widjaja, do të interpretojë Orkestra e RTSH, Banda e Forcave të Armatosura, Fanfara Tirana, Kori i T.K.O.B & balerinë solistë nga Shkolla e Baletit. 

Kryeqyteti ka tashmë një tjetër skenë, që do të mirëpresë publikun me festivale, koncerte, teatër, konferenca, shfaqje të cirkut e kinema verore në të katër stinët, duke e shndërruar këtë pjesë të Parkut të Liqenit Artificial në një pikë të rëndësishme kulturore e argëtimi për qytetarët.

Alarmi nga tumoret, mbi 3500 vdekje në vit! Sëmundja zgjerohet tek të rinjtë, qarqet më të prekura

09:08 Sociale

Ndërtuesi në Tiranë, i vendos rrugës emrin e tij

20:40 Sociale

Gazetari grek: Shqiptarët, kafshë që i bëmë njerëz. Reagon Komiteti i Helsinkit

19:53 Sociale

Turistja austriake rrëfen për "Der Standard", si e shpëtuan shqiptarët në Llogara

19:43 Sociale

DASH nxjerr raportin për Shqipërinë dhe Kosovën: Ja liria e besimit fetar dhe problemet me të kaluarën

17:59 Sociale

Flasin dy profesorët e Erion Veliajt në Amerikë: Ishte student i shkëlqyer, më i miri që kemi pasur

17:51 Sociale

Shtëpi për të pastrehët, ndërtuesit: Koston do e paguajnë qytetarët

17:00 Sociale

Shqipëri-Kosovë, marrëveshje për dosjet e ish-Sigurimit

16:47 Sociale

Studimi: Në Shqipëri janë 12 plazhe të ndotura (harta)

14:20 Sociale

Muaji i Ramazanit, Veliaj: Qendrat sociale, vakte të ngrohta për njerëzit në nevojë

13:04 Sociale