Kamza prezanton kampionin e botës Pietro Vierchowod në krye të klubit

Kamza ka zyrtarizuar Pietro Vierchowod si trajnerin e ri për sezonin sportiv 2018-2019. Nëpërmjet një komunikate për shtyp në faqen zyrtare Kamza njofton se drejtuesit e klubit kanë gjetur marrëveshjen me trajnerin italian, i cili sot nënshkroi edhe kontratën me presidentin Naim Qarri, ndërsa prezent ishte edhe kryetari i bashkisë Xhelal Mziu.

59-vjeçari që ka fituar edhe Kampionatin Botëror me Italinë në vitin 1982, rikthehet në drejtim pas një mungese disa vjeçare. Edhe pse ai fitoi Kupën e Botës, mbrojtësi nuk luajti asnjë ndeshje me “axurrët” në atë Botëror për shkak dëmtimi.

KARRIERA SI TRAJNER – Puna si trajner ka nisur në krye të Catania-s në dhjetor të vitit 2001, por qëndroi deri në prill aty, para ndeshjes të ‘play-off’ që zhvilloi skuadra italiane në Serie C1. Më pas mori drejtimin e Fiorentina Viola, por nuk zgjati shumë eksperienca e tij me vjollcët. E shkurtër edhe aventura me Triestina në Serie B në vitin 2005. Për t’iu rikthyer sërish trajningut duhej pritur viti 2014. Qershor-tetor zgjati eksperienca e tij me hungarezët e Honved dhe tani kërkon një rinisje nga Superiorja në krye të Kamzës.

Si futbollist ai ka një karrierë të pasur, teksa ka luajtur 45 ndeshje me Italinë, duke qenë pjesë e skuadrës në dy Kupa Bote. Futbollin e luajtur e la në vitin 2000, pas një eksperience me Piacenza-n. Aty ai kalonte pas një aventure me Milanin. Me kuqezinjtë italiani u aktivizua në sezonin 1996-1997, ndërkohë që më parë kishte luajtur për Juventusi-n. Vierchowod është një nga mbrojtësit produktiv edhe në sulm, pasi ka arritur të shënojë 38 gola në Serie A. Pjesën më të madhe të karrierës si futbollist e ka kaluar te Sampdoria (1983-1995). Fiorentina, Roma dhe Como kanë qenë tre ekipet e tjera me të cilat ka luajtur në Itali, ndërkohë që karrierën e nisi me Romanese. Italiani e la futbollin në moshën 41-vjeçare.

Bashkim Fino akuzon Partine Demokratike se po ushtron presion ndaj Gjykatës për të vepruar pro Armando Dukës

17:18 Sport

Statistikat me Ukrainën, kundërshtare e vështirë për kuqezinjtë

17:04 Sport

Balaj: Sfida me Kosovën ishte një mundësi për të provuar lojtarë të rinj dhe skema të reja loje

16:10 Sport

Mavraj kritika të rinjve: Nuk po dinë ta vlerësojnë mundësinë e Panuçit

15:58 Sport

Vokrri: Kosova nuk do të luajë me Iranin, jemi rritur si ekip por s’duhet të jemi euforikë

15:44 Sport

Shqipëri-Ukrainë do të luhet sipas planit, vendos FIFA

15:11 Sport

Zinedine Zidane jep dorëhiqjen nga Reali i Madridit

13:20 Sport

FSHF dha garancinë, Skënderbeu i ri fillon nga “të vjetrit”

13:14 Sport

Matematicienët bëjnë llogaritë: Finalja e Botërorit do të jetë Gjermani-Brazil

11:39 Sport

Predikuesi islamik: Dëmtimi i Salah ishte një ndëshkim nga Zoti për atë që bëri

11:05 Sport