"Panuçi, bëj gati valixhet, bileta t'u pre sot"

Nga Fatjon Baze

Nuk është më ndonjë lajm i ri nëse themi se Kombëtarja Shqiptare e Futbollit shënoi humbjen e radhës.

As nëse themi që trajneri Kristian Panuçi ende nuk e ka marre veten nga të vjellat e avionit kur ka ardhur në Shqiperi.

Lajm i ri nuk mund të jetë as që Federata Shqiptare e Futbollit ka hyrë në një rruge ku edhe pse shihet humnera në horizont, drejtuesit e saj vijojne t’i japin si te çartur autobusit që ka brenda një ëndërr të madhe.

Lajm i ri sot është që shqiptarët i “presin” biletën trajnerit të kombëtares përpara se të hyjë në rangun e “perëndive” si shenjteria e tij Armando Duka qe veç Zoti mund ta rrëzoje.

Fati i Kristian Panuçit duhet të marrë një tjetër rrjedhe. Edhe pse mund të jete një ish-sportist apo teknik i mire, sot puna e tij demostroi qe nuk perputhet me ekipin shqiptar.

Jemi përpara një fakti ku kombëtaren shqiptare e ka kthyer në një ekip, ku ekipet kundërshtarët në vend që të impenjohen për të marrë me vështirësi fitoren, po i kthejnë takimet kundër nesh si seanca stërvitore.

Premtoi që sfida ndaj Kosovës duhet harruar dhe sot do të shihnim një ekip që do të tregonte se kush ishte.

Dhe në fakt e shikuam skuadrën e tij; një ekip që nuk di të bëjë asnjë aksion model; një ekip që fut ujë në çdo repart; një ekip që ecën në fushë; një ekip pa gritnë dhe dëshirë për të fituar; një ekip që në dy ndeshje ka pësuar plot shtatë gola.

Krisitan Panuçi tregoi që është një amator dhe jo një profesionist, ç’ka në mënyrë për të mbuluar turpin e këtyre dy humbjeve u largua në mes të konferencës duke u kontestuar ashpër nga tifozat kuqezi që ishin të pranishëm për të ndjekuar nga afër ndeshjen e përfaqësues sonë që i zhgënjeu të gjithë.

Panuçi ka zhdukur një numër të madh lojtarësh që bën të mundur një ëndërr historike dhe ka ftuar disa lojtarë që nuk po e kuptjnë ende se çfarë fanellë mbajnë mbi supe.

Me këto rezultate dhe me këtë lojë Kristian Panuçi duhet të nisë që sot të bëjë gati valixhen.

Ah, vetëm nëse ka një marrveshje me Armando Dukën për të bërë të tilla sfida që të përfitojnë ndonjë shumë parash; atëhere po e ka të sigurtë qëndrimin në stol!

VIDEO: E vërshëllejnë tifozët, Panuçi lë në mes intervistën

18:18 Sport

Kombëtarja e Panuçit prek fundin, turpërohemi dhe përballë Ukrainës

17:51 Sport

Mbyllet miqësorja Shqipëri-Ukrainë me rezultatin 1-4. Të gjithë golat dhe rastet e ndeshjes me VIDEO

17:44 Sport

Hysaj: Largimi i Sarrit nuk është lajm i mirë për mua, Ançeloti i shkëlqyer

14:47 Sport

Hasan Lika, zbulohen prapaskenat e largimit nga Luftëtari

14:00 Sport

Projekti Europë, Laçi ia nis nga e para

13:15 Sport

Arbitra e vëzhgues, tre muaj pa u paguar nga FSHF

12:34 Sport

Tirana në telashe të tjera, Bashkia do të auditojë klubin bardheblu

12:17 Sport

Drejt “Rusi 2018”: “Flamenkoja” spanjole pushton botën, (2010)

09:14 Sport

Jose Mourinho “skanon” Botërorin e Rusisë, a do t’i dalin parashikimet?

20:21 Sport