Te fundit
Gjiknuri dëgjesë në Himarë: Zyrë për hipotekën dhe shërbimet e transportit, 40 milion euro për ujësjellës-kanalizime
4 Qershor 2018, 10:22Ekonomia
TEMA
Ministri i Infrastrukturës dhe Energjisë Damian Gjiknuri zhvilloi një dëgjesë me banorët e Himarës në kuadër të turit të llogaridhënies publike të qeverisë.
Në bashkëbisedimin me banorët, Gjiknuri u ndal tek problematika e pronave e cila konsiderohet ndër më shqetësueset për këtë zonë duke u angazhuar për hapjen e një zyre shërbimi të hipotekës por edhe një zyre të shërbimeve të transportit rrugor.
“E di që problemet më të mëdha në këtë zonë kanë të bëjnë me pronat. Ne sëbashku jemi duke përgatitur edhe projektin, shumë shpejt folëm dhe me kryetarin e bashkisë, në mënyrë që ta bëjmë të mundur hapjen e asaj zyrës së shërbimit në Himarë përsa i përket hipotekës. Pra që ju të mos sorollateni pjesa më e madhe duke shkuar në Vlorë apo pjesa tjetër duke shkuar në Sarandë”, premtoi Gjiknuri.
Më tej, ai tha se po mendohet edhe një masë lehtësuese në funksion të regjistrimit të banesave të vjetra.
“Kemi përgatitur edhe një vendim për të reduktuar në minimum tarifat për regjistrimin e shtëpive të vjetra. Shumë shpejt kjo do të bëhet realitet sepse përtej problemeve të vjetra të pronësisë që janë të trashëguara edhe për shkak të mosmenaxhimit të tokës ka shumë shtëpi të vjetra të cilave u mungon dokumentacioni”, theksoi Gjiknuri.
Duke nënvizuar faktin se në Himarë janë kryer dhe po kryhen investime të rëndësishme në fushën e infrastrukturës, ministri Gjiknuri vuri në dukje ndërhyrjen në fushën e ujësjellës-kanalizimeve.
“Edhe investimet që do të bëhen në ujësjellës kanalizim. Himara është përfituese e një prej projekteve më të mëdha që shkon mbi 40 milion euro e që do të rregullojë një pjesë të mirë të sistemit të ujësjellës-kanalizimeve në qytet janë si rezultat i vëmendjes së qeverisë në këtë zonë”, u shpreh Gjiknuri.
1 komente në “Gjiknuri dëgjesë në Himarë: Zyrë për hipotekën dhe shërbimet e transportit, 40 milion euro për ujësjellës-kanalizime”
Lini një Përgjigje
Lini një Përgjigje
Më të lexuarat
24 oret e fundit
Javen e fundit
Blog Tema
Ne pasqyrat e Komiteteve te Fshatareve ,ngritur ne v.1945-1946 nga Qeveria Komuniste per kryerjen e reformes agrare ,NUK FIGURON ASNJE FAMILJE JOHIMARIOTE QE TE POSEDONTE E TE ISHTE PRONARE TOKASH E TROJESH NE HIMARE. Dhe sot tokat e trojet me te mira I KANE VJEDHUR QEVERITARET KUSARE SHQIPTARE TE PASVITEVE 1990 NE BASHKEPUNIM ME MAFIOZET QE I MBAJNE ME PARA .Por fajin e kane himariotet ,qe nuk behen te bashkuar si dikur te paret e tyre dhe tu tregojne vendin qeveritaro-mafiozeve . Dhe here pas here dergohet ndonje minister ne Himare qe te laje mutin me shurre .Dhe me kete politike kunder himarioteve do te vije dita qe himariotet do te jene nje pakice Himare . Ju lutem shume botoni komentin tim!