Te fundit
140-vjetori i lidhjes së Prizrenit, Bushati: Perspektiva jonë e përbashkët mbetet Evropa
10 Qershor 2018, 18:46Politika
TEMA
Përmes një postimi në Facebook, ministri i jashtëm Ditmir Bushati ka përkujtuar 140-vejtorin e themelimit të Lidhjes së Prizrenit. Bushati thotë se orientimi drejt të ardhmes është thellimi i demokracisë dhe i perspektivës të përbashkët europiane.
Statusi i plotë:
I madhi mësues Aleks Buda na kujton se në jetën e popujve, përgjatë rrjedhës së viteve e shekujve, ka ngjarje që vendosen para pyetjes: Nga duhet të shkojmë?
“Kësaj pyetjeje në një udhëkryq të madh të historisë, populli shqiptar i dha një përgjigje me themelimin e Lidhjes Shqiptare në Prizren me 10 qershor 1878, kur përfaqësuesit e kombit shpallën vendosmerinë e patundur për të luftuar për të drejtat kombëtare dhe i vunë themelet asaj organizate politike, e cila për tre vite me radhë udhëhoqi luftën e masave popullore për çlirim nga zgjedha shekullore e huaj, për mbrojtjen e trojeve të veta për bashkimin në një shtet të vetëm autonom e të njësuar kombëtar” shkruan ai.
Sot, në 140 vjetorin e themelimit të Lidhjes së Prizrenit, shqiptarët në Shqipëri, Kosovë, e në të gjithë rajonin gjenden sërish para dilemës së madhe se nga do të orientojnë jetën e tyre politike, sociale e kulturore.
E përgjigja, e ndryshme për nga konteksti historik, por e njëjtë për nga vendosmëria e orientimi drejt të ardhmes është vetëm një: thellimi i demokracisë e i perspektivës tonë të përbashkët europiane, fuqizimi i shtetit të së drejtës, forcimi i indit përbashkues europian të identitetit tonë, janë jo vetëm angazhimi ynë, por edhe besa që duhet të lidhim mes vedi.
Lini një Përgjigje
Më të lexuarat
24 oret e fundit
Javen e fundit
Blog Tema
