"Një çmim që nuk i nxë meritat tuaja, por vetëm i shënjon ato", Kadare nderohet me një tjetër çmim

“Një çmim që nuk i nxë meritat tuaja, por vetëm i shënjon ato për të tjerët” Me këto fjalë ia ka dorëzuar sot kryetari i Akademisë së Shkencave shkrimtarit të madh Ismail Kadare Çmimin e Karrierës akademike-2017.

Edhe pse ceremonia e dhënies së çmimeve vjetore të Akademisë së Shkencave 2017 u organizua më 12 prill 2018, Ismail Kadare nuk ishte i pranishëm për të tërhequr çmimin.

Çmimi iu këtë të premte në Akademinë e Shkencave të Shqipërisë. U zhvillua një ceremoni e mbyllur për mediat, -pohojnë burime nga institucioni, -sepse kështu ka preferuar vetë Kadare. Ndërsa mbajti fjalën e rastit, sekretari i Akademisë së Shkencave, Vaso Tole u shpreh se:

“Ky çmim është kurora e çmimeve shkencore kombëtare vjetore të akademisë sonë, krahas çmimit Çabej, atij Radovicka dhe çmimit për kërkuesin e ri më të suksesshëm.

Megjithatë, Çmimi i Karrierës, që juria e posaçme vendosi t’ju akordohet Ju, është thjesht një shenjë nderimi krahasuar me çmimet e mirënjohjet e larta ndërkombëtare dhe titujt e nderit që keni fituar për merita të veprës Suaj ngado nëpër botë.

Kur juria mori këtë vendim, ne të gjithë kemi menduar njësoj: -që emri Juaj, vepra Juaj, janë të tilla që asnjë çmim nuk i mbulon dot!” tha Vaso Tole sekretari i Akademisë së Shkencave.

Me tej, Tole tha se krijimtaria e Kadaresë ishte dhe mbetet “buka” jonë shpirtërore, e cila ushqente dhe ushqen imagjinatën, shtynte dhe shtyn, zgjeronte dhe riformatonte përmasat e munguara të lirisë individuale të çdo shqiptari. Tole ka ndarë me Kadarenë edhe shqetësimet që janë ngritur kohët e fundit për reformim e akademisë. Duket se dyert e mbyllura kanë shërbyer edhe për të folur rreth çështjes së reformimit të Akademisë së Shkencave mes tij dhe anëtarëve të saj.

“Në emër të kësaj përgjegjësie jemi përfshirë në një proces vetëreformimi që ka qenë kryefjala e kësaj periudhe, me qëllim që Akademia e Shkencave të jetë në funksionet e veta të ligjshme, si institucioni që bashkon dijetarët, mendimtarët, shkencëtarët e krijuesit me rol të shquar intelektual në shoqëri; si institucioni që vetëpërtërihet me studiues të rinj që i sigurojnë asaj të ardhme; si institucioni që mbështet zhvillimin ekonomik të vendit e që mbron nderin, dinjitetin dhe deontologjinë shkencore; si institucioni që ruan përbërëset themelore të identitetit shqiptar: gjuhën tonë të përbashkët, traditën tonë origjinale, historinë dhe letërsinë shqipe”, u shpreh Vaso Tole sekretari i Akademisë së Shkencave.

Kadare ka shprehur mirënjohjen dhe ka biseduar me për problem të ndryshme të imazhit të vendit tonë në botë, por “fjala e tij nuk është protokolluar”, shprehen burime nga Akademia e Shkencave.(shqiptarja)

REPORTAZHI: Arkeologët zbulojnë në Bushat qytetin e humbur të “Bassanias”

15:31 Kulturë

Pas PD, lëvizjen anti-teatër e komandon grupi kundër lodrave te Liqeni

15:18 Kulturë

Misteret e pushtetit të Ali Pashë Tepelenës: Marrëdhëniet financiare, sistemi dhe disa ngjarje të panjohura më parë

13:53 Kulturë

Regjisori Laert Vasili: Shumica e artistëve duan teatër të ri, kemi humbur 20 vjet

12:39 Kulturë

Fati i Teatrit Kombëtar, "nxehet" Alfred Trebicka: Qurrashët po na japin mend, na tregojnë çudira

11:20 Kulturë

Bujar Asqeriu tregon takimin me Veliajn: Kur dola unë sikur doli kuçedra, tani do dal live në Facebook. Këta janë gjithë hajdutë

14:58 Kulturë

Kastriot Caushi: Dua patjetër një ndërtesë të re teatri për qytetin tim, për vendin tim

13:44 Kulturë

Artan Imami: Jam për një teatër të ri në të njëjtin vendodhje

13:55 Kulturë

REPLIKAT/ Arben Derhemi i del “zot” Teatrit si “tirons”, Leart Vasili: Racizmi këtu është më i frikshëm se ai që jam përballur në Greqi

13:44 Kulturë

Ironia e Laert Vasilit: Mos e bëni Teatrin, na lini të vdesim nga tuberkulozi

13:01 Kulturë