Prezenca e Avokates së Popullit në seancën dëgjimore të gjyqtares Xhoxhaj, Ballanca: Do ta bëja përsëri

Avokatja e Popullit, Erinda Ballanca, tha në emisionin Përballë të gazetarit Lutfi Dervishi në RTSH se e ndoqi seancën dëgjimore të gjyqatares Altina Xhoxha në KPK si pjesë e punës së institucionit që drejton. Ajo nuk pranon të ketë konflikt interesi në këtë rast.

“Këtë proces avokati I popullit e monitoron në çdo seancë.

Në një moment të procesit unë do të shkoja. Atë ditë shkova sepse mendova se duhet të dëgjoja një seancë të një personi që në gjykimin tim është një nga gjyqtaret më korrekte.

Nuk ka konflikt interesi sepse nuk vendos unë në lidhje me të, por vendos KPK-ja”– tha Ballanca në RTSH.

Veprimi i Avokates së Popullit u gjykua në disa raste si ndërhyrje në një proces, por znj. Ballanca thotë se do ta përsëriste të njëjtën gjë, pavarësisht perceptimit që mund të krijohet

“Nëse del në Shqipëri dhe të flet pro një gjyqtari, këtu konsiderohesh armik, si në kohën kur quheshe kulak. Unë do ta bëja përsëri, pasi e kam bërë me bindje sepse nuk ndikoj në vendimmarrje”- tha Avokatja e Popullit.

Sa i përket procesit të vettingut, znj. Ballanca tha se procesi nuk po ecën me ritmet që është pritshmëria.

“Mendoj që duhet të marrin më shumë staf, që të bëjnë më shumë punë”– tha Avokatja e Popullit, ndërsa bëri përgjegjëse klasën politike për nxjerrjen jashtë funksionit të Gjykatës Kushtetuese.

“Në fakt politika ka përgjegjësi sepse anëtarët e parlamentit kanë emra”, – tha Avokatja e Popullit në RTSH.

Protesta në Rrugën e Kombit, Ballanca: Të merren masa disiplinore ndaj OPGJ-ve dhe Prokurores

Në raportin e Avokatit të Popullit sa I përket ndalimit të protestuesve në Rrugën e Kombit janë konstatuar një sërë shkeljesh ligjore. Avokatja e Popullit Erinda Ballanca tha në emisionin Përballë të gazetarit Lutfi Dervishi, se pret që rekomandimi i insituticionit që drejton të merret parashysh, ndërsa tregon edhe për një takim të zhvilluar me Prokuroren e Përgjithshme.

“Fakti që ka dështuar në rastin konkret përgatitja e procesverbaleve siç e parashikon ligji dhe identifikimi i orës së saktë të privimit të lirisë është një problem i cili do të duhet që realisht policia të largojë nga puna, të marrë masa disiplinore për secilin prej atyre personave që ka kryer një gjë të tillë.

Gjithashtu edhe prokurori I çështjes së jetë objekt i masave disiplinore për shkak se në rastin më të mirë ka shkelur ligjin, për të mos thënë më pas që ka pasur shpërdorim detyre.

Kam bërë edhe një takim personal me Prokuroren e Përgjithshme dhe kam gjetur mirëkuptimin e saj në lidhje me problematikat që kam ngritur në raport.

Ajo më ka thënë që do ta verifikojë çështjen e problematikave dhe do të bëj rekomandimet e saj përkatëse deri sa të ngrihet Këshilli I Lartë I Prokurorisë”- u shpreh Ballanca në RTSH. (TemA)

Veliaj: Lajm i shkëlqyer që i madhi Robert Ndrenika është PRO Teatrit të Ri!

11:20 Sociale

FOTOT: Fillon puna për rindërtimin e Urës së Drojës, Gjiknuri: Do e kthejmë në parametrat e duhura, punë me shumë investitorë

10:49 Sociale

OKB: Fitore domethënëse e Shqipërisë, në Komitetin e të Drejtave të Njeriut

09:45 Sociale

Del raporti, ja bashkitë që nuk u shërbejnë qytetarëve

08:34 Sociale

Rama poston videon, përgjigje kritikëve: Nuk është 3D Video, por një rrugë e…

08:11 Sociale

‘Akademia Verore për SME-të’, mbërrin në Shqipëri një nga ekspertët më të mirë ndërkombëtar

21:54 Sociale

Serbët dhe malazezët, më të armatosurit në rajon: Ja ku renditet Shqipëria

21:06 Sociale

VIDEO/ Mamaja e Nikollaq Nerënxit kërcënon shefin e Komisariatit: Do ta vras me sopatë

20:34 Sociale

FOTOT/ A ju kujtohen deputetët e PD kur sulmonin këndin e lodrave te Liqeni?

19:39 Sociale

Shkollat e Gylenit, a duhet t’i kontrollojë qeveria? Akuza e fortë e Ermir Gjinisht: Ata janë të përfshirë në trafik ndërkombëtar droge, do dalin faktet

19:17 Sociale