Te fundit
VIDEO: Belgjika bën histori, ndëshkon Anglinë dhe merr vendin e tretë në Botëror
14 Korrik 2018, 18:07Sport
TEMA
Nga një gol për çdo pjesë i ka mjaftuar Belgjikës për të marrë fitoren e dytë kundër Anglisë dhe vendin e tretë në Kupën e Botës, Rusi 2018.
Në “Shën Petersburg”, në praninë e mbi 64 mijë tifozëve të pranishëm, Belgjika tregoi dhe njëherë se eliminimi nga Franca në gjysmëfinale ishte një rastësi, pasi dominoi në të gjitha aspektet ndaj të besuarve të Gareth Southgate.
Djelmoshat e Roberto Martinez e nisën furishëm përballjen me “Tre Luanët” duke kaluar në epërsi pas vetëm katër minutave lojë, kur mbrojtësi Thomas Meunier shënoi pas një harkimi të përkryer nga Naser Chadli.
Në vazhdim Anglia kontrolloi më shumë lojën por nuk arriti të krijoi, ndërsa Belgjika e humbi mesfushorin Chadli i cili u detyrua ta lërë ndeshjen shkaku i lëndimit pesë minuta para pushimit mes pjesëve.
Gareth Southgate bëri dy zëvendësime në fillim të pjesës së dytë, duke e futur Marcus Rashfordin në vend të Raheem Sterling dhe Jessie Lingard në vend të Danny Rose.
Megjithatë, kjo nuk i bëri shumë punë anglezëve të cilët nuk arritën t’i konkretizonin rastet e krijuara në pjesë të dytë.
Ndërkohë ai që vulosi fitoren ishte Eden Hazard tetë minuta nga fundi i kohës së rregullt, kur dyfishoi avantazhin dhe i dha të drejtë shokëve të skuadrës të largoheshin me medaljen e bronztë nga ky turne.
Anglia nuk prodhoi asgjë nga sa ishte parashikuar, duke përfunduar në vendin e katërt në këtë turne dhe duke barazuar kështu arritjen e tyre më të mirë në një Kupë Botë, pikërisht atë të vitit 1966.
Nderkohe, një arritje historike për skuadrën e Roberto Martinez që theu rekordin e Belgjikës së vitit 1986 që e mbylli Botërorin meksikan në vendin e 4-ët. (TemA)
Goli i Meunier
Goli i Hazard
Lini një Përgjigje
Më të lexuarat
24 oret e fundit
Javen e fundit
Blog Tema
