Te fundit
Zbulohet raporti sekret i Londrës: Ja si Rusia po tenton ta gllabërojë Ballkanin
17 Korrik 2018, 09:03Rajoni
TEMA
Një raport sekret britanik i publikuar nga B92 bën të ditur se Ballkani ka ikur nga orbita e BE-së dhe atij po afrohet Rusia, Turqia dhe Kina.
Siç bën të ditur raporti, aktorët e jashtëm, ku përfshihen pra këto tre vende, kanë mbushur një zbrazëti të krijuar nga neglizhimi i BE-së në Ballkanin Perëndimor gjatë dekadës së fundit.
Raporti i Komitetit të Punëve të Jashtme të Parlamentit të Mbretërisë së Bashkuar, i ka shkruar qeverisë së Theresa May dhe s i sugjeron Londrës se “ndikimi i Rusisë në rajon është i dobët, për shkak se prania e saj ekonomike është e kufizuar.
Pavarësisht nga kjo, Rusia është e aftë të shfrytëzojë problemet e rajonit dhe të dëmtojë përparimin e saj drejt paqes, prosperitetit dhe, përfundimisht, anëtarësimit në BE dhe NATO”.
Sipas B 92, Ministria e Jashtme Britanike ka bërë të ditur se një nga kërcënimet më të mëdha me të cilat ballafaqohet rajoni është ndërhyrja në rritje e Rusisë në Ballkanin Perëndimor, siç shihet në tentativën e komplotit të grushtit të shtetit në Mal të Zi në tetor 2016 , si dhe në aktivitetet destabilizuese të liderëve politikë në Republika Srpska në Bosnjë dhe Hercegovinë.
“Policia e Srpska-s po blinte armë nga Rusia, duke ushqyer frikën e aftësisë së Rusisë për të destabilizuar zgjidhjen e brishtë të paqes në Bosnje-Hercegovinë“, thuhet në raport.
“Rusët, siç bëjnë në vende të tjera, po përkeqësojnë situatën edhe ashtu të keqe. Kjo është një nga aftësitë e tyre të mëdha”, tha nga ana tjetër Robert Cooper, një ish-diplomat i BE-së në mbledhjen e komitetit të parlamentit britanik.
1 komente në “Zbulohet raporti sekret i Londrës: Ja si Rusia po tenton ta gllabërojë Ballkanin”
Lini një Përgjigje
Lini një Përgjigje
Më të lexuarat
24 oret e fundit
Javen e fundit
Blog Tema
Nuk e di per ke nga vendet e ka fjalen raporti se pervec Serbise Shqiperia dhe Mali i Zi jane tashme antare te NATO-s dhe Maqedonia e Veriut pritet te antaresohet se shpejti Gjithashtu gjithe vendet ose kane hapur procesin e Integrim- Asocimit ne BE (Serbia dhe Mali i Zi ose presin hapjen ne mesin e 2019-si Shqiperia dhe Maqedonia e Veriut. Perjashtim ne kete proces ben vetem Bosnje-Hercegovina qe per arsye te tjera eshte disa hapa pas vendeve te Balkanit Perendimor. Ndersa lufta per influence eshte e kuptueshme per Fuqi boterore si Rusia dhe Kina ashtu edhe per Fuqi rajonale si Turqia. Nese prej tyre rriten investimet kjo nuk perben asgje te keqe perkundrazi. Por per vendet e Ballkanit Perendimor si aspirues per antarsim ne BE prioritet per investime detyrimisht duhet te jene vendet e Unionit pasi ofrojne standarte me te larta ekonomikedhe demokratike krahasuar me vendet e lindjes.