Vasili: BE në Bruksel kryqëzon koncesionet, BE në Tiranë hesht, rilindja krihet, ja zgjidhja e LSI

Kreu i grupit parlamentar të LSI Petrit Vasili ka reaguar pas raportit të Bashkimit Evropian për koncesionet të cilat i quan një dështim si dhe ka vijuan akuzat nda Romana Vlahutin. 

Përmes një statusi në facebook thotë se ndërsa BE në Bruksel i kryqëzon koncesionet, BE në Tiranë hesht ndërsa rilindja krihet. 

Sipas Vasilit në Shqipëri koncesionet janë një histori e qartë hajdutërie me pasoja shkatërrimtare, ndonëse BE në Tiranë vetëm ngazëllehet e duartroket pikërisht të kundërtën e asaj që shqetëson maksimalisht BE në Bruksel.

“BE në Bruksel kryqëzon koncesionet, BE në Tiranë hesht, rilindja krihet, bllokon edhe ligjin e LSI për koncesionet. 

Koncesionet sipas BE janë një histori dështimi ekonomik të frikshëm për Greqinë duke qenë një nga premisat themelore për kolapsin ekonomik të saj. 

Po sipas BE janë histori dështimi në Spanje në rajonin e Catalunjas (Barcelonës) dhe në Irlande, me gjithë kapacitetet. Menaxhuese të jashtëzakonshme të këtyre vendeve. 

Problemet ekonomike të krijuara nga koncesionet u kanë kushtuar miliarda euro financave publike të këtyre vendeve. Ndaj BE është shumë e shqetësuar për to. 

Ndërsa në Shqipëri koncesionet janë një histori e qartë hajdutërie me pasoja shkatërrimtare, ndonëse BE në Tiranë vetëm ngazëllehet e duartroket pikërisht të kundërtën e asaj që shqetëson maksimalisht BE në Bruksel. 

Rilindja si atavizëm i konfliktualitetit ekstrem, arrogancës provinciale demode dhe antitransparencës së bunkerizuar, pengon prej më shumë se dy vitesh projektligjin e propozuar nga grupi parlamentar i LSI për koncesionet. 

Projektligji i LSI kërkon transparencë maksimale, debat të hapur parlamentar që kthjellon e shteron të mirat e të këqijat e çdo koncesioni si dhe maksimizon marrjen por edhe përcjelljen e përgjegjësive në maxhoranca të ndryshme pa kosto të frikshme për shkak të kontratave koncesionare të gabuara dhe shkatërruese për ekonominë dhe për cilësinë e shërbimeve ndaj qytetarëve, kolapsin ekonomik. 

Bllokimi arbitrar dhe antiparlamentar i projektligjit të LSI vetëm nga rilindja në parlament është një faqe e zezë për rilindjen dhe për dimensionin parlamentar të saj. 

Rilindja si mishërim i një politike vulgare, të egër dhe primitive që urren debatin, urren kompromisin parimor politik dhe urren pranimin e zgjidhjeve kur ato vijnë nga kundërshtarët, mbyll çdo ditë me sjelljen e saj çdo mundësi dhe hapësirë për dialogun aq të domosdoshëm politik. 

Hajdutërinë e koncesioneve e shemb vetëm transparenca çdo rrugë tjetër është plaçkitje dhe dështim ekonomik dhe social”- shkruan Vasili.  (TemA) 

MAPO WEEKEND pyet, analizon dhe parashikon gjasat për një koalicion të madh PD-PS këtë vjeshtë

12:34 Politika

Mustafa Nano flet për Mapon: Bashkëqeverisje? Për reformën në drejtësi po…

12:05 Politika

Pse nuk duhet marrë seriozisht Mustafa Nano

08:10 Politika

DEBATI/ Kreu i PD-së kërcënon policët: Mbajeni mend ç'kam për t’ju punuar, by****ra, këlyshë të Fatmir Xhafajt. Do ju q* motrat (VIDEO)

10:01 Politika

Berisha i trembet përballjes me Artan Hoxhën, RTSH censuron gazetarin (edhe pse është drejtues emisioni). Reagon gazetari

09:12 Politika

Berisha merr në mbrojtje prokurorët dhe gjyqtarët e shkarkuar: Po largohen veç se janë nga veriu, janë njerëz të ndershëm

09:06 Politika

FOTO LAJM: Tallej me Ramen se u lag nga para, por Basha qullet nga pas…

21:31 Politika

Berisha sulmon Lu, Vlahutin dhe Hahn: U bënë guvernatorë të Ramës, ja c'ndodhte në takimet me dyer të mbyllura

21:27 Politika

Pse u vonua 11 vite busti i Pjetër Arbnorit?

21:47 Politika

Karriera e kryetarit të Gjykatës së Lartë plasaritet nga problemet me pasurinë: Deklarime të pasakta, kontrata fiktive me qëllim shmangien e taksave dhe burime të pamjaftueshme

21:01 Politika