Te fundit
Çfarë po ndodh, Trump anulon vizitën e Mike Pompeo në Korenë e Veriut
24 Gusht 2018, 21:38Bota
TEMA
Presidenti i SHBA Donald Trump anuloi të premten udhëtimin e planifikuar të sekretarit të shtetit Mike Pompeo në Korenë e Veriut për negociata që ta bind vendin komunist të braktiste armët e saj bërthamore, duke përmendur përparim të pamjaftueshëm në këtë çështje.
Trump fajësoi pjesërisht Kinën për momentin e zymtë me Korenë e Veriut dhe sugjeroi se bisedimet me Phenianin mund të mbahen deri pas mbarimit të mosmarrëveshjes tregtare me Pekinin.
Ishte një zhvendosje dramatike e tonit për Trump, i cili më parë e përshëndeti takimin e tij të qershorit me udhëheqësin e Koresë së Veriut, Kim Jong Un si një sukses dhe tha se kërcënimi bërthamor i Koresë së Veriut kishte mbaruar.
“Unë kam kërkuar nga Sekretari i Shtetit Mike Pompeo të mos shkojë në Korenë e Veriut në këtë kohë, sepse mendoj se nuk po bëjmë përparim të mjaftueshëm sa i përket demilitarizimit të Gadishullit Korean,” tha Trump në “Twitter”.
Negociatat kanë ngecur që nga samiti i qershorit në Singapor. Pompeo po nxit për hapa të prekshme në braktisjen e arsenalit bërthamor të Koresë së Veriut, ndërkohë që Pyongyang po kërkon që Uashingtoni të bëjë lëshimet e veta.
Deklarata e Trump në “Twitter” erdhi vetëm një ditë pasi Pompeo tha se do të vizitojë përsëri Korenë e Veriut dhe do të marrë me vete përfaqësuesin e tij të ri të SHBA, Stephen Biegun, në një përpjekje për të thyer bllokimin.
Në një intervistë për Reuters të hënën, Trump mbrojti qasjen e tij, duke thënë se ai besonte se Koreja e Veriut kishte ndërmarrë hapa specifikë drejt denuklearizimin. Shefi i Shtëpisë së Bardhë tha se ai dhe Kim kishin “kimi të madhe” dhe do të “kishin shumë gjasa” të takoheshin përsëri.(TemA TV)
Lini një Përgjigje
Më të lexuarat
24 oret e fundit
Javen e fundit
Blog Tema
