Artur Zheji: Policët janë fakirë fukaraje, mbrojnë sulltan mavrinë (Ramën) nga qoftëlargu

Artur Zheji thotë se policët që sigurojnë jetën e kryeministrit Edi Rama janë fakirë fukaraje.

Ai nuk është dakort që shefi i qeverisë të ketë këtë lloj sigurie.

Për këtë analisti ka bërë një shkrim për të bërë thirrje që mos angazhohen shumë efektivë që të garantojnë lëvizjen e tij nëpër Shqipëri.

Ndër të tjera Zheji shkruan:

“Përpara se Ay, të niset për diku, për një vizitë apo për një rrugëtim, Garda e Republikës, lajmëron qëndrat e policisë që janë në trajektoren e rrugës së tij. 

Policia lajmëron Rrugoren dhe komunat dhe bashkitë aty ku kalon rruga e Km-së dhe eskortës së tij me të paktën 8-9 makina. 

Qëndrat policore brofin në këmbë dhe krijojnë një kordon të rreptë kontrollesh dhe parkojnë makinat apo motorrët e tyre, në çdo kënd dhe në çdo kthesë, mbajnë shënim targat e makinave të “dyshimta” dhe tregojnë një zell të mbrapshtë disiplinor, edhe nëse 5 minuta para lajmërimit, ishin duke ngrënë fara, apo duke punuar si privat diku tjetër, për të rrumbullakosur rrogën.

Se për fat Vettingu në Polici, u harrua dhe makinat e të vërtetës, nuk erdhën dot nga jashtë shtetit, se ka krizë buxheti. 
Por gaztorët më të mëdhenj, janë dhe bëhen, pushtetarët lokalë, pavarsisht ngjyrave partiake. 
Ata hedhin në sulm, të gjithë zorzopërinë e qyqarëve që mbajnë në punë, nga mirëmbajtja e rrugëve, te gjelbëruesit e dhimbshëm që mezi mbahen në këmbë.

Dhe fillojnë e krruajnë rrugën, sidomos atë lokale, në të djathtë e në të mëngjër, e shkulin barishtet e egra, largojnë ndonjë tullë apo qërrojnë ndonjë bajgë të qerreve dhe forcojnë ndonjë vizë rruge. 
Kjo ndodh në panik rreth 2 orë përpara, se sa eskorta e sulltan mavrisë, të rendë me shpejtësi, duke mbrojtur nga qoftëlargu, jetën e çmuar të Km-së, nga ndonjë rrezik apo protestë e rastësishme të pakënaqurish (pavarësisht se nuk kemi kurrë nga këto në traditën tonë të shkëlqyer).

Dhe kështu pra, nëse ndalon makinën dhe pyet ndonjë nga këta fakirë fukaraje: “Se çfarë po ndodh?” 

Ai të përgjigjet në mënyrë konspirative se: “Do kalojë i madhi këtej…prandaj duhet vënë rregull…”dhe fshin në mënyrë teatrale ndonjë sumbull djerse dhe drejton me krenari, krrusjen e trupit eshtak dhe të rregjur nga skamja e varfëria. 

Por… 
Këto janë skena të përsëritura, në Historinë e Madhe dhe në historinë mjerane të diktatorëve dhe të diktatorucëve shqiptarë, që në fillimet e Pavarsisë. 
Trashëguar nga kohërat kur kalonin Pashallarët oriental, me ushtri dhe harreme pas. 

Ajo çka ndryshon në këtë kohë që mbajmë shënim, është se harremi i Km-së sonë, nuk ka gra, por burra të tredhur… 

Do shkojmë në Europë apo jo?!”, shkruan Zheji. (TemA)

Të lësh Shqipërinë për Amerikën? Atje jeni askushi, në ndërtim do punoni!

11:36 Politika 1 koment

Denar Biba: Biseda me Biankun ishte mes dy miqve, nëse e konsideronte të papërshtatshme të ma thoshtë në sy. Do e ndërprisja direkt

10:50 Politika

REPLIKAT/ Rama, “sherr” me komentuesit për turizmin: Të huajt që vijnë këtu do jenë qorra dhe të droguar. Mua s’me del koha për të ngrënë, nga punët e shumta

10:19 Politika

Zbardhet intervista e fundit e Shyqyri Çokut, para se të ndërronte jetë

09:12 Politika

Nikollë Lesi shfaq një dëshirë: Me 13 shtator plas sherri dhe përplasje fizike në parlament, populli mund të hyjë në sallë

08:45 Politika

Sesioni i ri parlamentar, seanca e parë të hënën më 3 shtator (një kujtesë dhe për Bashën që të vijë nga Holanda)

22:55 Politika

Fati tragjik i motrave të Ahmet Zogut (detajet nga jeta e tyre, që ndoshta nuk i dini dhe disa foto të rralla)

21:11 Politika

Bllofi i audi-përgjimit të opozitës: Qeveria shqiptare ia kërkoi zyrtarisht Gjykatës së Strasburgut, atë që PD thotë se iu kërkua në kafe Ledio Biankut

20:59 Politika

Gjykata e Strazburgut sqaron audio-përgjimin: Jemi informuar, por nuk jemi ndikuar!

20:50 Politika

Ndahet nga jetë në moshën 90-vjeçari hetuesi i tmerrshëm i Sigurimit të Shtetit, që kishte torturuar dhjetra persona. Mes tyre dhe At Zef Pllumin

20:18 Politika