Te fundit
Ish-diplomati britanik në Beograd mbron idenë e shkëmbimit të territoreve me Kosovën
6 Shtator 2018, 14:59Rajoni
TEMA
Ish-ambasadori britanik në ish-Jugosllavi, Ivor Roberts, e mbron idenë e shkëmbimit të territoreve mes Serbisë dhe Kosovës. Ai thotë se kjo do të ishte zgjidhja e duhur krahasuar me rrezikun që mosmarrëveshjet mes dy vendeve të mbeten të pazgjidhura.
Roberts ka shërbyer si ambasador i Britanisë së Madhe në Beograd në vitet ’90, ndërsa më pas ka përfaqësuar interesat e vendit të tij në Irlandë dhe Itali.
Në një shkrim për numrin e kësaj jave të revistës “Tablet”, Roberts shprehet se ajo që kanë propozuar Thaçi e Vuçiç do të bënte realitet një marrëveshje historike paqeje.
Roberts thotë se është i gabuar kundërshtimi i idesë së ndryshimit të kufijve duke marrë si referencë Aktin Final të Helsinkit i vitit 1975 për moscenimin e kufijve, pasi “ajo që parashikonte kjo marrëveshje ishte paprekshmëria e kufijve pa pëlqimin e ndërsjellë për ndryshim”.
Ish-ambasadori thotë se alternativa për një marrëveshje midis Serbisë dhe Kosovës mbetet pezull dhe mban të ngrirë një konflikt që e lë Kosovën jashtë OKB-së dhe Serbinë jashtë BE-së për një kohë të gjatë.
“E vërteta është se nuk ka rrugë pa rreziqe, dhe bllokimi aktual nuk është pa rrezik. Nuk e shoh të gabuar t’i lejojnë të dy vendet të zgjidhin dallimet e tyre sipas kushteve të dakorduara reciprokisht”, shkruan ai.
Roberts është i njohur për qëndrimet e tij të drejtpërdrejta, pavarësisht se ka qenë për vite me radhë diplomat karriere. Ai mori shtetësinë irlandeze në shenjë proteste ndaj vendimit të Britanisë për t’u larguar nga BE-ja.
Në një shkrim për “The Guardian” në prill të këtij viti, Roberts kritikoi Perëndimin, SHBA-të dhe BE-në, të cilat sipas tij kanë qenë pak të pranishme në ish-Jugosllavi dhe i kanë krijuar Rusisë mundësinë për të depërtuar në rajon. /BalkanInsight-TemA TV/
2 komente në “Ish-diplomati britanik në Beograd mbron idenë e shkëmbimit të territoreve me Kosovën”
Lini një Përgjigje
Lini një Përgjigje
Më të lexuarat
24 oret e fundit
Javen e fundit
Blog Tema
Nuk mund te shkembehen tokat shqiptare me toka shqiptare. Diplomati anglez duhet ta di me mire se gjithkush se Anglia eshte autorja kryesore e coptimit te trojeve e kombit shqiptar. Ne rast se do te thote dicka, me e Mira dhe e drejta eshte te mbroje e pohoje ne te mire te shqiptareve. Shqiptaret kane qene e Jane viktima dhe Jo e kunderta. Serbet kane qene e Jane agresoret e te tille do te mbeten.
Shqiperia u katandis nje thele sepse fatet dhe kufijte e saj i kane vendosur njerezit e llojit te ketij anglezit. Trojet shqiptare shtriheshin nga muret e Beogradit e deri ne Selanik duke dale ne lindje deri ne gjirin e Artes. Shqiperia ishte me e madhe se Franca e sotme. Shkupi ne vitin 1911 banohej vetem nga shqiptare dhe nuk ekzistonte fryme slavi ne Maqedonine e sotme. Tani keta kerkojne te ndajne thelen e mbetur perseri. Psee? sepse jane ca serbe ne kosove. Po le te jene. Asnje shtet apo territor nuk eshte i paster etnikisht. Perse u beka ky perjashtim per Serbet kriminele. Pse i pergedhel kaq shume europa keta kriminele une nuk arrij ta kuptoj. Une habitem pse ka shume agjente serbie ne shqiperi ? Do e kuptoja po te kishte agjente Amerikane apo Gjermane apo Angleze. Por te behesh agjent serbie ne perceptimin tim kemi te bejme me njerez qe skane tru celenteratesh por protozoaresh.