Te fundit
Brexit/ Kryebashkiaku i Londrës kërkon një referendum të dytë
16 Shtator 2018, 14:38Bota
TEMA
Kryebashkiaku i Londrës, Sadiq Khan, kërkon një tjetër referendum për daljen e Britanisë nga BE-ja.
Khan thotë se britanikëve u duhet dhënë një mundësi e dytë, në kushtet kur negociatat e kryeministres May nuk kanë shënuar përparim.
Afati për largimin e Britanisë nga BE është 29 marsi. Planet e kryeministres May nuk janë pranuar, ndërsa vetë Unioni dhe liderët e bizneseve po debatojnë në mënyrë që njerëzve t’u jepet mundësia të thonë fjalën e fundit për dialogun me Brukselin.
Kryeministrja May e ka përjashtuar mundësinë e një referendum të dytë pas atij të mbajtur 2 vjet më parë, i cili vendosi daljen e Britanisë nga BE-ja.
Khan, i cili është anëtar i Partisë Laburiste, thotë se Britania ndodhet para opsioneve “marrëveshje e keqe” apo “asnjë marrëveshje” Brexit-i, të dyja shumë të dëmshme për Britaninë.
Në një opionion të botuar në “Observer”, Khan shprehet se mënyra sesi qeveria po i menaxhon negociatat kërcënon standardet e jetesës, ekonominë dhe vendet e punës. Në këtë mënyrë, sipas tij, votuesit kanë të drejtë të thonë fjalën e tyre.
Khan mbështet një referendum të dytë, një qëndrim që mund të ushtrojë presion te lideri i laburistëve Jeremy Corbyn për të zbutur kundërshtimin e ashpër që i bën kësaj ideje.
Laburistët pritet të mblidhen në një konferencë 4-ditore javën tjetër. (TemA TV)
Lini një Përgjigje
Më të lexuarat
24 oret e fundit
Javen e fundit
Blog Tema
