Lulzim Basha, në negociata për të blerë deputetin socialist

Lulzim Basha ka takuar Gjetan Gjetanin, deputetin e përjashtuar nga radhët e Partisë Socialiste, nga kryeministri Edi Rama.

CNA.al (CityNews Albania) ka mësuar se Basha i ka kërkuar Gjetan Gjetanit, që ky i fundit të kalojë në radhët e PD-së.

Takimi midis të dyve është zhvilluar në afërsi të Laçit teksa Basha kthehej nga Burreli.

Kontradikta në këtë histori është se PD-ja e udhëhequr nga Basha në datën 4  tetor të vitit të kaluar depozitoi në Prokurori kërkesën për kontrollin e të dhënave të dekriminalizimit për deputetin Aqif Rakipi dhe për deputetin Gjetan Gjetani, lidhur me dyshime për fshehjen e të dhënave për aktivitet kriminal, që sipas ligjit për dekriminalizimin duhej ti pengonte për të marrë poste publike apo për tu zgjedhur.

“Grupi Parlamentar i Partisë Demokratike depozitoi sot në prokurori kërkesën për kontrollin e të dhënave të dekriminalizimit për deputetin Aqif Rakipi dhe për deputetin Gjetan Gjetani, lidhur me dyshime për fshehjen e të dhënave për aktivitet kriminal, që sipas ligjit për dekriminalizimin duhej ti pengonte për të marrë poste publike apo për tu zgjedhur.

Denoncime nga publiku dhe partnerët pranë Partisë Demokratike përbëjnë indicie për të verifikuar nëse të dy këta deputetë kanë fshehur rekorde kriminale në të kaluarën e tyre në lidhje me  aktivitete të paligjshme të kryera në Itali.

Partia Demokratike është e vendosur në betejën e saj për të luftuar krimin, dhe për të nxjerrë krimin nga parlamenti dhe institucionet e shtetit. Në të kundërt, lidhur me këto dy raste por edhe të tjera që po trajtohen nga Partia Demokratike, Edi Rama dëshmon se vazhdon të mbrojë dhe promovojë krimin, se nuk ka vullnet ta zbatojë ligjin e dekriminalizimit, dhe nuk ka vullnet të shkëputet nga krimi dhe aleanca politike me krimin. Partia Demokratike i kërkon Prokurorisë të veprojë menjëherë e të garantojë zbatimin e dekriminalizimit. Bashkëngjitur, kërkesat e dërguara sot në Prokurori”, – shkruante në atë kohë PD-ja.

Kurse ish-kryeministri, Sali Berisha e ka denoncuar Gjetan Gjetanin që në datën 9 qershor, 16 ditë para zgjedhjeve parlamentare.

Po në këtë datë Berisha publikoi  denoncimin e një qytetari në rrjetet sociale.

Në mesazhin e tij qytetari digjital shkruante se Gjetan Gjetani ka marrë 5 milionë lekë për një certifikatë dhe për këtë shkak i kanë anuluar një takim në fshatin Mali i Bardhë.

Postimi i plotë

Narko-kandidati nuk pranohet në fshatin Mali i Bardhë!

Ai ndëshkohet për korrupsionin e tij!

Qytetari dixhital denoncon:

Narko-Kandidatin e Lezhës, Gjetan Gjetani, një fshatar, të cilit i kishte marrë 5 milionë lekë për t’i dhënë certifikatën e verdhë, i zënë rrugën tek shkonte në takim elektoral në fshatin Mali i Bardhë. Takimi u anulua!

Lexoni mesazhin e qytetarit dixhital! sb

“Z.Berisha para 3 ditësh kandidati i PS Gjetan Gjetani në qarkun Lezhë kishte takim në fshatin Mal-Bardhë të Kurbinit, por dikush nga fshati ju zuri rrugën dhe nuk i lejoi të hynin në fshat; ai i kërkoi kandidatit 5 milionë lekët që i kishte marrë për t’i dhënë certifikatën e verdhë. Pas shumë debatesh takimi u anulua. Respekte z.Berisha”.

Kujtojmë këtu se Gjetan Gjetani u përjashtua nga radhët e PS-së nga kryeministri Rama në muajin shtator gjatë Asamblesë së kësaj partie.

“Një deputet që nuk ka bërë punë tjetër veçse ka shantazhuar dhe kërkon ekskluzivitet të vërë shefa policie në Kurbin, bën deklaratë pocaqi kundër policisë në Kurbin ai nuk mund të jetë deputet i PS-së. Në djall vaftë pushteti ynë nëse duhet të durojmë të tilla sjellje vetëm për numra”, – tha Rama dhe më pas e përjashtoi  Gjetanin.

Ndërsa Gjetan Gjetani pas këtij përjashtim u shpreh se vendimi ishte i padrejtë, pasi ai kishte qenë me PS në ditët më të vështira.(CNA.al)

Pasi shau Veliajn për lodrat tek Liqeni, koordinatori i PD Julian Deda shijon familjarisht Parkun: Jam shumë krenar...

18:25 Politika

INVESTIGIMI/ Taksat i ngrenë çmimin një nafte të keqe, por hilet i gjenden

17:12 Politika

VIDEO/ “A mjafton ky metri për të më matur?”, Rama bën Check Up-in, ja batutat me infermieret

15:51 Politika

Grida Duma sulmon Jozefina Topallin dhe Majlinda Bregun: Nuk mendoj fare për to, i kam quajtur humbje kohe

15:54 Politika

Tritan Shehu paralajmëron shqiptarët: Rama po i ngul thikë pas shpine SHBA-ve

15:44 Politika

Berisha: Banorët e Fushë Krujës po helmohen nga pushteti mafioz

14:37 Politika

Çfarë ndodhi me Nikos Kotzias dhe pse duhej të largohej? Kriza e Athinës nga kompromisi me Maqedoninë tek marrëdhëniet ruso-greke

13:41 Politika

Sali Berisha opozitë nga Facebook: Kallam Dështaku është i sëmurë me krizë skizoide, ka shpërthime kafshërore. Psiqik i pamjekuar

12:25 Politika

Rama jep shifrat e frikshme: Saliu është vënë në shërbim të basteve, deputetët po kërcënohen nga burgu 313

11:58 Politika

Pse Balla e jo Majko, pse Balla e jo Ulqini: Përgjigja e thjeshtë ndaj një naiviteti gazetaresk

11:36 Politika