Te fundit
Shoqëritë e Basteve Sportive letër qeverisë: Mos na i mbyllni menjëherë aktivitetet, ja masat që do të marrim nëpër pika
22 Tetor 2018, 13:34Ekonomia
TEMA
Shoqëritë e Basteve Sportive, përmes një letre të përbashkët dërguar institucioneve kryesore hartuese dhe zbatuese të pr.ligjit të Lojërave të Fatit, kanë bërë thirrje për të rishikuar mbylljen e tyre vitin e ardhshëm.
Sipas letrës, këto subjekte shprehin gatishmërinë për të bashkëpunuar me qeverinë, për të ndryshuar disa elemente të aktivitetit të tyre, që të jenë në përputhje me ligjin.
Sipas tyre, janë 15 mijë familje që preken nga mbyllja e menjëhershme e aktivitetit të tyre. “Jemi ende në fazën që mund të gjejmë një gjuhe të përbashkët, pa arritur te betejat e ashpra.
Sipas letrës, TopStart, ITSGA, Lottosport, në vijim të përpjekjeve të tyre për të kapërcyer ngërçin e krijuar nga projektligji që synon mbylljen e menjëhershme të aktivitetit të tyre në 31.12.2018, shprehin publikisht gatishmërinë për të bashkëpunuar me institucionet përgjegjëse për të arritur së bashku:
1- Respektimin e plotë dhe të menjëhershëm të Ligjit të Lojërave të Fatit në kategorinë e basteve sportive.
2- Reduktimin me 50% te numrit te pikave sekondare brenda vitit 2019 dhe një reduktim konstant në vitet pasardhëse.
3- Zbatimin e distancave deri 100 m nga institucionet arsimore dhe fetare.
4- Heqjen e reklamave në Media
5- Pastrimin e fasadave dhe vetratave të dyqaneve nga elementët e Basteve Sportive.
6- Zvogëlimi i përmasave të reklamave identifikuese të dyqaneve në një madhësi jo me shumë se “1.2 M2” brenda vitit
7- Kalimin në SQMO (monitorimin online të aktivitetit të basteve sportive), me qëllim monitorimin e xhiros dhe të ardhurave direkt nga organet shtetërore.
8- Kontributin për identifikimin dhe trajtimin e personave që kanë varësi nga bixhozi dhe bashkëpunim të ngushtë me AMLF për të eliminuar praninë e tyre fizike në pikat e basteve.
9- Realizimin, në bashkëpunim më instancat shtetërore, e një studimi kombëtar për pjesëmarrjen, efektet financiare dhe pasojat negative të pjesëmarrjes së shqiptarëve në bastet sportive, nga i cili do të dalin konkluzione më efikase për trajtimin institucional të këtij fenomeni.
“Ne besojmë se, nëpërmjet realizimit të këtyre objektivave, do të përputhen synimet Qeverisë për të reduktuar këtë aktivitet dhe, të njëjtën kohë, do të mbrohen interesat bizneseve të këtij sektori dhe të të punësuarve të shumtë në to.”- përmbyllet letra.
6 komente në “Shoqëritë e Basteve Sportive letër qeverisë: Mos na i mbyllni menjëherë aktivitetet, ja masat që do të marrim nëpër pika”
Lini një Përgjigje
Lini një Përgjigje
Më të lexuarat
24 oret e fundit
Javen e fundit
Blog Tema
Ne besojme se me keto qe ju kerkoni, ne vitin 2019 te kthehemi perseri ne piken zero!? Jo hoxhe Aliu, po Ali Hoxha! Jo kumar, po kumar!
Kjo leter eshte nje presion,kercnim ndaj Qeverise prandaj duhet te hidhet poshte dhe as te mos merret ne konsidertate.
Po jo mo Xha Temo s eshte kercenim ndaj qeverise, mos e shih me syze komunisti i gatshem per shtetezim te bizneseve te te tjereve…se keshtu fillojne keto gjera…shtetezohen bastet, pastaj parukerite se grate shpenzojne miliona duke demtuar rende buxhetin e familjeve shqiptare…madje dhe gabi te mbyllet se varesia eshte e larte dhe femrat shkojne te psikiatri te shpetojne nga ky ves…
100m nga shkollat?
pirdhni o pirdhni se liroheni. Boll fituat ju dhe boll pastruat parate e trafikanteve dhe krimineleve. Ky shtet ka zot. Kjo industri do riorganizohet nga e para.
Mund te jetë edhe e yshtur nga ndonjë deputet i shumicës, që ka interesa direkte me bastet, për ta përdorur si element zbutës në drejtim të qeverisë. “Dërgoni ju një letër, se pastaj futemi edhe ne që të krijojmë një të çarë në ligj.”. Nuk ju kujtohet zelli i atij… si e ak emrin, për rikthimin e importit të mbetejeve? Sa ka zanati!