Te fundit
Në këtë vend duan të ikin të gjithë
1 Nëntor 2018, 16:28Blog
TEMA
Nga Astrit Patozi
Tani që është hapur tenderi për 6 vakancat në Bordin e Bënkës së Shqipërisë, po rezulton se ka një numur të konsiderueshëm deputetësh, që janë të gatshëm të lënë mandatin në këmbim të “kapjes” së një prej këtyre vendeve.
E bukura qëndron në faktin se ata i përkasin të dy krahëve të politikës, si të qeverisë, ashtu edhe të opozitës.
Që do të thotë se ata që ngjanë kaq të ndryshëm me njëri-tjetrin thuajse në çdo debat apo opinion, janë shumë të ngjashëm në dëshirën për t’i thënë lamtumirë Kuvendit të Shqipërisë, në rastin e parë që u del përpara.
Mos kujtoni se ka ndodhur ndonjë revolucion në parlament dhe as ka ndryshuar paga dhe benefitet e tjera në Bankën e Shqipërisë, që i ka shtyrë deputetët të ëndërronë largimin.
Është thjesht një shenjë e qartë e degradimit të këtij sistemi politik, të cilin po e braktisin edhe vetë protagonistët. Dhe mos e çoni ndër mend se janë të pazotë ata që duan të ikin, për të mos thënë që janë ndër më të mirët.
Por ta dini që tani se, nëse dëshira e tyre nuk do të plotësohet, kjo nuk ka të bëjë me ndonjë arsye teknike apo proceduriale, por thjesht me refuzimin e liderëve supremë, që e kuptojnë domethënien e kësaj epidemie dhe duan ta evitojnë mesazhin e rëndë.
Që në këtë vend, për shkak të “Rilindjes” dhe “Republikës së Re” janë gati të ikin të gjithë, jo vetëm të varfërit dhe të pambrojturit, por edhe vetë deputetët.
PS. Çdo ngjashmëri me persona konkretë në këtë histori është e rastit
2 komente në “Në këtë vend duan të ikin të gjithë”
Lini një Përgjigje
Lini një Përgjigje
Më të lexuarat
24 oret e fundit
Javen e fundit
Blog Tema
Kur do te behesh ti zevendeskryeminister dhe kryeminister S Berisha, shqiptaret gjithe qef do dynden nga jashte, ku i kish perzene Rilindja, per te jetuar te lumtur nene udheheqjen TUAJ te ndritur.
Me vjen mire qe ne nje shkrim me 7 fjali, autori nuk harron te shtoje edhe nje fjali tjeter si P.S.