Te fundit
Rruga Orikum-Dukat, shpallet fituesi i koncensionit: 70 milionë euro për 14 km
12 Nëntor 2018, 17:07Ekonomia
TEMA
Ministria e Infrastrukturës shpalli fituesin edhe për rrugën e katërt të madhe që do të ndërtohet me koncesion: aksin nga Orikumi në Dukat.
Ashtu si në tre rrugët e mëparshme, edhe për këtë vepër, tenderi është fituar nga ofertuesi i pakërkuar i koncesionit, kompania Gjikuria për një vlerë prej 50.5 milionë euro.
Por kjo vlerë përfshin vetëm koston e ndërtimit dhe mirëmbajtjes së rrugës.
Veç saj qeveria do t’i paguajë koncesionarit privat edhe interesat për 13 vjet, që në total sipas listës së paraqitur në projektbuxhetin e vitit 2019, e çojnë faturën e Orikum-Dukat në 9.3 miliardë lekë ose rreth 70 milionë euro.
Rruga ka një gjatësi prej 14.7 kilometrash. Sipas projektit, koncesionari privat do ta ndërtojë me paratë e veta dhe do ta mirëmbajë atë për një periudhë 13 vjeçare.
Në këmbim, qeveria do t’i paguajë nga buxheti një shumë totale rreth 70 milionë euro me këste për 13 vjet duke përfshirë dhe interesat.
Orikum-Dukat është vepra e katërt e paketës 1 miliardë euro, pas Rrugës së Arbrit, aksit Thumanë-Kashar dhe atij Milot-Balldren.
Projekti fillestar parashikonte që rruga të ndërtohej nga Orikumi në Himarë, duke përfshirë ndërtimin e një tuneli që do të anashkalonte Qafën e Llogarasë.
Por më vonë, projekti u copëtua në dy faza.
Qeveria vendosi të pranojë ofertën e pakërkuar të kompanisë Gjikuria për ndërtimin e segmentit nga Orikumi në Dukat, ndërkohë që pjesa e mbetur, ajo më e vështira nga Dukati në Himarë u shty për më vonë.(TCH)
4 komente në “Rruga Orikum-Dukat, shpallet fituesi i koncensionit: 70 milionë euro për 14 km”
Lini një Përgjigje
Lini një Përgjigje
Më të lexuarat
24 oret e fundit
Javen e fundit
Blog Tema
ca kupyim ka te besh vetem orikum dukat….dhe te ngjitesh perseri malin.Atje krijohet trafiku dhe tyneli ishte prioritar
jepini para hajduteve te Ilir metes se mire e keni
Po të ishin vënë në jetë kohën e Enverit këta projekte,sot rroga e puntorit do ishte 1300 euro.
qeveri hajdutesh!
Vetem asfalti (tip kullues – qe eshte cilesi nder me te mirat) kushton 23 eu/m2,
per 14 km rruge kushton 1.9 milion euro.
Rrethimi me gardh celiku (guard rail) kushton 450 eu/900m,
per 14 km rruge kushton 14000 euro.
Ajo nuk eshte rruge e re, kshu qe shtresat jane. Ai qe do vjedhe keto para, do i duhet te sjelle 2 grushta cakull per te meremetuar rrugen.
Qeveri qensh. Po kujdes, nuk duhet te hedhim kete qeveri, qe te sjellim ate kamarierin, se ata jane kriminele fare!
Ne qe punojme ne administrate duhet te bejme vete rezistence ndaj ketyre hajduteve, sepse ne loje eshte interesi kombetar.