Te fundit
Punimet te Unaza e Madhe, ARRSH: Ditën e sotme u krye vlerësimi për 10 objekte tjera
3 Dhjetor 2018, 14:07Sociale
TEMA
Autoriteti Rrugor Shqiptar ka njoftuar se po vazhdon procesin për vijimin e punimeve te Unaza e Madhe.
Bëhet me dije se sot është kryer vlerësimi i 10 objekteve të tjera.
Ndër të tjera thuhet:
“Autoriteti Rrugor Shqiptar vazhdoi edhe gjatë ditës së sotme procesin e vlerësimit të banesave në kuadër të projektit për rehabilitimin e Unazës së Madhe të Tiranës, segmenti nga Pallati me Shigjeta tek Sheshi Shqiponja.
Inxhinierët e ARRSH ishin të pranishëm në objektet pronarët e të cilëve kanë depozituar dosjet pranë këtij institucioni dhe kanë kërkuar tu nënshtrohen vlerësimeve dhe procesit të shpronësimit.
Sot u bë e mundur që në të tre lotet të kryhet verifikimi i 10 objekteve tjera kryesisht disa katëshe. Duke llogaritur dhe objektet e verifikuara më parë, ARRSH konstaton se janë vlerësuar 82% e totalit të atyre që deri më tani kanë dorëzuar dokumentat në ARRSH.
Ndërkaq, në ditët e ardhshme do të vazhdojë ky proces verifikimi për të gjithë banorët që depozitojnë dosjet”, komunikon ARRSH. (TemA)
Lini një Përgjigje
Më të lexuarat
24 oret e fundit
Javen e fundit
Blog Tema
