FOTOT: Laguna e Patokut, “parajsë” e pazbuluar për biodiversitetin dhe turizmin

Shtrihet gjatë bregut  të Adriatikut dhe quhet “Kompleksi Ligatinor i Patokut” që  përfaqëson një nga bukuritë natyrore më interesante të këtij bregu.

E ndodhur ndërmjet Lumit Mat në Veri dhe Lumit Ishëm në Jug, ky kompleks përfshin një llojshmëri të lartë habitatesh.

Një lagunë nga  pesë lagunat e jashtëme në brigjet shqipëtare është nga më interesantet dhe nga më të populluarat me faunën ujore.

Këto karakteristika dhe shumëllojshmëria e habitateve janë te lidhur ngushte me biodiversitetin e larte te Kompleksit Ligatinor te Patokut. Shumëllojshmëria e bimësisë është një nga karakteristikat më të spikatura të këtij kompleksi nga bimët detare, në pjesën perëndimore, më të zakonshmet janë livadhet nënujore.

Pozicioni i favorshëm dhe shumëllojshmëria e habitateve rreth lagunës kanë krijuar kushte të përshtatshme për faunën ujore. Inventarizimi i shpendëve ka regjistruar numër të lartë llojesh, që i përkasin shpendëve te ujit, shkurretave, pyjeve, kullotave, dunave dhe tokave bujqësore. Në Kompleksin Ligatinor te Patokut është regjistruar numër i madh llojesh te shpendëve të kërcënuar në shkalle botërore si Pellikani dhe specie të tjera që tashmë janë rikthyer.

Peshkimi është  përparësi për zhvillimin e lagunës dhe zonës. Bregdeti, laguna dhe 2 lumenjtë Mat dhe Ishëm, qe e lagin, krijojnë kushte te përshtatshme natyrore për zhvillimin e peshkimit me interes te madh ekonomik. Kompleksi i Patokut karakterizohet nga një shumëllojshmëri e peshqve. Pozicioni gjeografik i kësaj zone lehtëson komunikimin me tregjet e shitjes, gjë që përben një tjetër faktor për perspektiven e mire te zhvillimit te peshkimit. Aty gjenden dhe disa komplekse turistike, kryesisht zhvillohet turizmi i natyrës, vëzhgimit dhe kulinarisë.

Turizmi ekologjik është një nga potencialet me te rëndësishme për zhvillimin e zonës. Karakteristikat e saj natyrore me llojshmërinë e larte te habitateve (det, lagune, pyll, lumenj, toke bujqësore), biodiversitetin e pasur me shume grupe te florës dhe faunës, ekzistencën e bujqësisë dhe peshkimit tradicional janë faktorë kryesore për zhvillimin e eko-turizmit. Pozicioni i kësaj zone pranë Tiranes dhe rrugëve nacionale e lehtëson ardhjen e turisteve. Patoku është kthyer në një destinacion për turizmin familjar dhe atë të kulinarisë detare.

Blogeria italiane: Disa fotografi që do t’iu bëjnë të dashuroni Shqipërinë

08:56 Turizëm

FOTOT/ Njihuni me hostelin “top choice” në kryeqytet dhe Erjonin, që do të lërë Tiranën për Afrikën: S’mund ta rris tim bir në këtë ajër

10:52 Turizëm

FOTOT/ Media spanjolle: Shqipëria, “xhevahiri” i Ballkanit

11:24 Turizëm

Parku Kombëtar Theth, destinacioni i fundjavës dhe i turistëve të aventurës

09:30 Turizëm

FOTOT: Himara vlerësohet në Londër për ruajtjen e banesave tradicionale

10:22 Turizëm

Faqja italiane: Shqipëria e veriut rrugëtimi mes shijes dhe traditës

10:13 Turizëm

FOTOT: 50 plazhet më të bukura në botë, mes tyre përzgjidhet edhe Ksamili

10:29 Turizëm

FOTOT/ “National Geographic” viziton Butrintin: Ky është qyteti i dëshiruar antik

15:43 Turizëm

FOTOT: Bora në Dardhë shkon një metër, ja pamjet spektakolare nga fshati piktoresk

09:58 Turizëm

“National Geographic”: Ju njohim me Nivicën, modeli i ri i turizmit të qëndrueshëm në Shqipëri

20:45 Turizëm