Te fundit
Antikorrupsioni, Gjonaj në prani të Soreca: 445 masa ndëshkimore, ky është vetëm fillimi. Në 2019 ndëshkim zyrtarëve të lartë
10 Dhjetor 2018, 16:13Kronika
TEMA
Ministrja e Drejtësisë Etilda Gjonaj, në rolin e Kordinatores Kombëtare Antikorrupsion ka bërë sot bilancin e një viti pune në krye të kësaj njësie. Në kuadër Ditës Ndërkombëtare Kundër Korrupsionit është zhvilluar një takim i zgjeruar me dy strukturat antikorrupsion, Komitetin Koordinator dhe Task Forcën Ndërinstitucionale Antikorrupsion.
Në këtë takim merrnin pjesë edhe Ambasadori I BE, Luigi Soreca, përfaqësues të trupit diplomatik dhe shoqërisë civile.
Pas këtij takimi Ministrja Gjonaj dhe ambasadori Soreca kanë dhënë një konferencë të përbashkët për shtyp. Në këtë konference ndërsa prezantoi arritjet dhe rezultatet në lidhje me parandalimin dhe luftën kundër korrupsionit në vitin 2018, Gjonaj siguroi shqiptarët se viti 2019 do të jetë vendimtar dhe sinjifikativ për të shënuar më shumë rezultate në lidhje më luftën kundër korrupsionit.
Me ngritjen e KLGJ dhe KLP, ministrja siguroi se do të ndëshkohen edhe zyrtarët e lartë të përfshirë në çështje korrupsioni. “Ngritja e institucioneve të reja të drejtësisë si mekanizma që do të garantojnë edhe ndëshkimin e zyrtarëve të lartë të përfshirë në çështje korrupsioni do të jetë një hap shumë i rëndësishëm që do të ndihmojnë në rifitimin e besimit të publikut tek sistemi i drejtësisë dhe do të shënojnë një gur themeli në luftën kundër korrupsionit”,- tha Gjonaj.
Në prag të ngritjes së KLP dhe KLGJ, institucionet do ta bëjnë të pandalshme zbatimin e reformës në drejtësi, ministrja apeloi për një proces të drejtë dhe transparent dhe inkurajoi pjesëmarrjen e gjyqtarëve dhe prokurorëve
“Përfitoj nga rasti duke mbajtur në konsideratë se nesër dhe pasnesër do të mbahen dy mbledhjet më të rëndësishme për dhënien jetë dy organeve qeverisëse të sistemit të Drejtësisë, Këshilllit të Lartë Gjyqësor dhe Këshillit të Lartë të Prokurorisë, të inkurajoj të gjithë gjyqtarët dhe prokurorët të marrin pjesë në mbledhjet e përgjithshme respektive, për të ushtruar detyrimet dhe përgjegjësitë e tyre në zgjedhjen e kandidatëve të KLGJ dhe KLP.
Inkurajoj dhe nxis dhe drejtuesit e mbledhjeve të përgjithshme respektivisht për gjyqtarë dhe prokurorë për të garantuar një proces të drejtë, transparent, të qetë për ti treguar qytetarëve se gjyqtarët dhe prokurorët kanë kurajo për zbatimin e reformës në drejtësi”,- u shpreh ministrja.
Ndërsa duke u ndalur tek rezultatet konkrete, përgjatë 1 viti ministrja tha se janë marrë 296 masa administrative, që janë masa të cilat jepen institucioneve për përmirësimin e veprimtarisë së tyre dhe 445 masa disiplinore për drejtues dhe punonjës të administratës, të gjetur në shkelje ligjore dhe afera korruptive, nga të cilët 33% janë për pozicione në nivel drejtues.
“Nga këto masa disiplinore vlen të theksoj se 102 prej tyre janë largime nga puna. Ndërsa 36 punonjës janë kallëzuar penalisht pranë organeve të Prokurorisë, pasi kanë qenë të dyshuar për veprat penale të korrupsionit apo shpërdorimit të detyrës”,- vijoi ministrja.
Ministrja Gjonaj është shprehur se lufta kundër korrupsionit është një nga sfidat më të rëndësishme për qeverinë, rezultatet e së cilës impaktojnë në mënyrë të drejtpërdrejt jetën e përditshme të qytetarëve e në të njëjtën kohë edhe zhvillimin ekonomik, social e kulturor të vendit, sikurse edhe rruga e vetme prej nga kalon procesi i integrimit të vendit në familjen e madhe europiane.
Janë pikërisht këto arsye madhore, sipas ministers Gjonaj që e kanë shndërruar luftën kundër korrupsionit dhe forcimin e shtetit ligjor në një betejë të detyrueshme për t’u fituar dhe në një objektiv real të Qeverisë Shqiptare.
2 komente në “Antikorrupsioni, Gjonaj në prani të Soreca: 445 masa ndëshkimore, ky është vetëm fillimi. Në 2019 ndëshkim zyrtarëve të lartë”
Lini një Përgjigje
Lini një Përgjigje
Më të lexuarat
24 oret e fundit
Javen e fundit
Blog Tema
NE 2019 , DO TE NDESHKOHEN ZYRTARE TE LARTE ,
FATMIR MEDIU JU SHPETOI , KA SHKUAR ME NGRITJE NE SH.B.A.
Do ishte mire tja shpjegosh popullit shqiptar me qarte cfare ndeshkimi do jete!Ndeshkimi duhet te filloje nga Meta e pastaj me rradhe te tjeret dhe ne gjuhen e populli quhet BURG!SEKUESTRIM PASURISH!TE tjerat jane llafe si shefi jot!