Te fundit
Tensione mes SHBA dhe Rusisë për uljen e dy bombarduesve në Venezuelë
11 Dhjetor 2018, 22:18Bota
TEMA
Zyrtarë rusë dhe amerikanë janë përfshirë në një mosmarrëveshje për uljen në Venezuelë e dy avionëve bombardues rusë, të aftë për të transportuar edhe armë bërthamore.
Dy avionët bombardues të llojit “Tu-160” u ulën në Venezuelë gjatë së hënës, në atë që konsiderohet si shfaqje e mbështetjes ruse ndaj qeverisë së presidentit socialist, Nicolas Maduro.
Sekretari amerikan i Shtetit, Mike Pompeo tha se, me veprimin në fjalë kemi mbërritur përpara faktit të “shpërdorimit të fondeve publike nga dy qeveri të korruptuara”. Fjalë të cilat qeveria ruse i quajti shumë shpejt si “tërësisht të papërshtatshme”.
Nga ana tjetër, qeveria ruse i quajti fjalët e tij “plotësisht të papërshtatshme”.
Bombarduesit strategjikë me rreze të gjatë veprimi u ulën në Aeroportin “Simon Bolivar”, në periferi të kryeqytetit venezuelas, Karakas, së bashku me dy avionë të tjerë rusë pasditen e së hënës.
Venezuela dhe Rusia kanë qenë aleatë të ngushtë prej kohësh, ndërsa që prej vitit 2008 në vendin amerikano-latin janë dërguar bombardues rusë, sikurse edhe kryqëzorë raketahedhës.
Bombardues “supersonikë” janë parë në Venezuelë edhe në vitin 2013.
Por, vizita e fundit vjen vetëm pak ditë pasi presidenti Maduro u takua me homologun rus Vladimir Putin në Moskë. Ministri venezuelas i Mbrojtjes, Vladimir Padrino tha se, avionët ishin pjesë e stërvitjeve të Forcave Ajrore me aleatët rusë.
Megjithatë, të dielën presidenti Maduro tha se ka pasur një përpjekje të fshehtë, të koordinuar drejtpërdrejt nga Shtëpia e Bardhë, për të tronditur jetën demokratike në Venezuelë, e me siguri për të nisur një “grusht shteti” kundër qeverisë kushtetuese, demokratike dhe të lirë të vendit të tij.
Pompeo e denoncoi lëvizjen e Rusisë në Twitter, ndërsa zëdhënësi i Putinit, Dmitry Peskov tha se komentet e Sekretarit amerikan të Shtetit ishin “aspak diplomatike”.
Zëdhënësi i presidentit rus Vladimir Putin, Dmitri Peskov, tha se komentet e z. Pompeo ishin “shumë jodiplomatike”.Pompeo nuk ishte i vetmi që kritikoi masën ruse për të dërguar bombarduesit në Karakas.
Por Rusia nuk është e vetmja që dërgon avionët e saj ushtarak në vende të tjera. SHBA ka dërguar gjithashtu aeroplanë tek aleatët e saj , përfshirë Ukrainën, marrëdhëniet e të cilëve me Moskën mbeten të tensionuara pas aneksimit të Krimesë në vitin 2014.(TemA TV)
5 komente në “Tensione mes SHBA dhe Rusisë për uljen e dy bombarduesve në Venezuelë”
Lini një Përgjigje
Lini një Përgjigje
Më të lexuarat
24 oret e fundit
Javen e fundit
Blog Tema
reciprocitet si kerkon shqiperia me greqine
reciprocitet si kerkon shqiperia me greqine ……
Rusia ndihmon Venezuelën me lek.Venezuela është e pasur në hydrocarbure.
Keshtu dhe Nikita.S.Hrushov ne vitet 60 coi raketat ne Kube. Mbas ultimatumit te presidentit Kenedi , per fundosjen e komplet ishullit i largoi ato Brenda 24 0reve. Kujdes Venezuela mos u kruaj me dreqin.
Miqësinë e dy popujve nuk mundet t’u a ndaloj askush!