Te fundit
Statistikat e 5 sezoneve pas dy fazave/ Titulli, Europa dhe rënia duken të vendosura
31 Dhjetor 2018, 21:22Sport
TEMA
Kush do të fitojë titullin kampion në Superiore? Kush do të shkojë në Europë? Kush do të bjerë në Kategorinë e Parë në fund të këtij sezoni?
Kur është mbyllur vetëm gjysma e parë e sezonit, këto janë pyetjet që bëjnë të gjithë tifozët në Superiore.
Përgjigja do të merret vetëm në maj, por statistikat e sezoneve të fundit, duke u nisur nga ai 2014-2015 ku u rivendos skema ekzistuese e Superiores, japin disa sinjale si se mund të rrjedhë gara në vijim.
Ajo që bie në sy është se në 3 nga 4 sezonet e mëparshme, skuadra e cila ka mbyllur në vendin e parë kampionatin pas 2 fazash ka marrë edhe titullin.
I vetmi “dështim” ishte ai i Kukësit në sezonin 2014-2015, kur nuk arriti të ruante vendin e parë ndaj Skënderbeut.
Ndërkohë, 3 skuadrat me më shumë pikë në fund të dy fazave të para thuajse gjithmonë përfundojnë pjesëmarrëse në Kupat e Europës.
Përjashtim bën Flamurtari i cili mbylli i dyti gjysmën e parë të edicionit të kaluar e në fund përfundoi duke luftuar për mbijetesë, pa e parë arenën ndërkombëtare.
Lufta për mbijetesë ka vetëm një përjashtim të madh, Tiranën. Në sezonin 2016-2017 ajo nga vendi i katërt pas 2 fazash përfundoi duke rënë nga kategoria.
Në çdo edicion tjetër, dy ekipet me më pak pikë në këtë pjesë të sezonit kanë përfunduar në vitin pasardhës duke luajtur në Kategorinë e Parë.
TeKamza dhe Kastrioti shpresojnë që dikush tjetër të ndjekë shembullin e bardhebluve.
Lini një Përgjigje
Më të lexuarat
24 oret e fundit
Javen e fundit
Blog Tema
