Amerika, një hap më pranë ekstradimit të Gylenit në Turqi?

Një ekip zyrtarësh amerikanë mbërrin sot në Ankara në një vizitë që Turqia shpreson se do të shtrojë rrugën per ekstradimin e Fetullah Gylenit, i akuzuar nga Erdogan për grushtin e dështuar të shtetit në vitin 2016.

Turqia thotë se Gyleni, i cili jeton në ekzil në SHBA që prej vitit 1999, është truri i grushtit të dështuar të shtetit, që çoi në vdekjen e 250 personave.

Para grushtit të shtetit, Lëvizja Gylen i kishte vendosur mbështetësit e saj në aparatin shtetëror, sidomos në gjyqësor dhe në polici, nga ku ata kryen goditjen e kundërshtarëve, përfshirë këtu edhe një hetim antikorrupsion që vuri në shënjestër njerëz të afërt të Erdoganit.

Pasi kjo kryengritje e papritur u shtyp, mijëra njerëz u hoqën nga puna dhe u arrestuan.

Gylen, i cili dikur ka qenë aleat i Erdoganit, e mohoi përfshirjen në përpjekjen për rrëzimin e Erdoganit nga pushteti.

Axhenda dyditore e delegacioni amerikan parashikon takime me homologë të drejtësisë turke dhe zyrtarë të Ministrisë së Brendshme e të Jashtme, me të cilēt do të diskutohet çështja e Gylenit, shkruajnë mediat turke.

Turqia e ka kërkuar arrestimin e Gylenit që në vitin 2014, por autoritetet amerikane e kanë refuzuar kërkesën me pretendimin se Turia nuk ka ofruar prova të mjaftueshme.

Megjithatë, një kthesë në marrëdhëniet SHBA-Turqi muajt e fundit i ka rritur shpresat e Ankarasë për plotësimin e kërkesës së saj.

“Ne shpresojmë dhe besojmë se SHBA-të do ta përmbushin detyrimin si një shtet që sundohet nga ligji dhe do ta ekstradojnë kreun e organizatës terroriste”, ka thënë ministri turk i Drejtësisë, Abdulhamit Gul, më 30 dhjetor. “Me vullnetin e Zotit, SHBA-të do ta plotësojnë kërkesën tonë në vitin 2019”, shtoi ai.

Muajin e kaluar, edhe ministri i Jashtëm, Mevlut Cavusoglu, tha se presidenti amerikan, Donald Trump, i kishte thënë Erdoganit se SHBA-të po punojnë për ekstradimin e Gylenit. Biseda është bërë gjatë një takimi në samitin e G-20 në Argjentinë, saktësoi Cavusoglu.

Megjithatë, më vonë Shtëpia e Bardhë mohoi se biseda ka pasur temë gatishmërinë e SHBA-ve për të ekstraduar klerikun mysliman 77-vjeçar, që aktualisht jeton në Pensilvani. (Al Jazeera-TemA TV)

Rusia ngre akuza ndaj ish-marinsit amerikan: E arrestuam për spiunazh

22:15 Bota

ANALIZA: Bashkimi Evropian dhe liria e lëvizjes

21:45 Bota

Kongresi i ri në SHBA bën betimin, Pelosi merr drejtimin e Dhomës

21:28 Bota

Trazirat në Francë, prangoset kreu i “jelekverdhëve”

20:21 Bota

ANALIZA: Kur Britania vodhi 44.6 trilionë dollarë nga India

17:58 Bota

Studimi i ri: 1.47 milion hebrenj u vranë gjatë tre muajve më 1942

17:13 Bota

Studimi: Kanabisi në Europë po bëhet gjithnjë e më i dëmshëm

16:41 Bota

“Rusët fajësojnë qeverinë, amerikanët prindërit, dhe polakët historinë”. Nostalgjia helmuese perandorake ka infektuar mbarë botën

15:46 Bota

SHBA, fillon punën Kongresi i ri

15:31 Bota

Kërkohet dënim me vdekje për 5 të pandehur lidhur me vrasjen e gazetarit Khashoggi

15:16 Bota