Ylli i Kosovës hedh një hap gjigant, gati firma në Francë

Arbër Zeneli prej 4 vitesh po tregon se është një futbollist me talent të jashtëzakonshëm dhe rritja e tij ka qenë konstante, fillimisht tek Elfsborgu e më pas në Holandë, tek Heerenveen.

Kampion Europe me Suedinë U21 në vitin 2015, Zeneli është tashmë një nga yjet më të mëdhenj të Kosovës dhe ka kohë që vëzhgohet nga klube të kampionateve më të rëndësishme në Europë.

Megjithatë, anësori ofensiv kërkon t’i ngjitë shkallët një nga një dhe ka zgjedhur Francën për të vijuar karrierën.

Heerenveen ka dalë sot me një komunikatë zyrtare, ku njofton se sulmuesi është nisur për në Francë, për të përcaktuar detajet e fundit të kontratës me Reimsin. Kur klubi francez dhe Zeneli të arrijnë marrëveshjen, do të kompletohet transferimi, sepse dy klubet kanë mbyllur gjithçka.

Zeneli, i cili tashmë vlen 6 milionë euro në treg sipas Transfermarkt, shkoi tek Heerenveen për 1.95 milionë euro në janar 2016, ndërsa tashmë klubi holandez pritet të arkëtojë disa herë më shumë.

Reims është në mesin e tabelës në Ligue 1, ndaj i ofron qetësinë e duhur sulmuesit 23-vjeçar, i cili së pari ka nevojë të luajë rregullisht, pa presionin e rënies nga kategoria apo arritjes në kupat e Europës.

U dënua në Spanjë, Portugalia mund t’i heqë dekoratat Ronaldos

10:42 Sport

Solskjaer: Pogba e meriton të jetë kapiteni i Manchester United

09:42 Sport

PSG pranë marrëveshjes 150 mln € për dy mesfushorët

21:55 Sport

Bonucci zbulon arsyen pse dështoi me Milanin

20:40 Sport

Muriq, djaloshi i akullt që u bë kanakari i Guardiolës

19:20 Sport

I mjaftuan vetëm 35 sekonda për të triumfuar në finale, Majlinda Kelmendi merr medaljen e artë në Tel Aviv

17:35 Sport

Asnjë gjurmë për avionin e zhdukur të Emiliano Sala, lojtari dhe piloti mbeten të zhdukur

17:25 Sport

Reali, klubi më i pasur në botë: 750 mln euro të ardhura

16:44 Sport

Romela Begaj dënohet me 8 vite

15:47 Sport

Anët negative të merkatos së Skënderbeut, 8 të huaj për 4 vende në formacion!

15:21 Sport