Kompania e njohur ajrore shpall falimentin dhe anulon të gjitha fluturimet e planifikuara

Kompania ajrore me bazë në Berlin, Germania, ka paraqitur kërkesë për falimentim dhe ka anulluar të gjitha fluturimet menjëherë, tha kompania të martën herët.

“Për fat të keq, nuk kemi mundur të kryejmë me sukses përpjekjet tona financiare për të përmbushur nevojat afatshkurtra të likuiditetit”, tha drejtori menaxhues Karsten Balke në një deklaratë.

“Na vjen shumë keq që, si pasojë, nuk patëm zgjidhje tjetër përveçse të aplikonim për falimentim”.

Kompania fajësoi “zhvillime të paparashikuara” për mungesën e saj të likuiditetit si “rritja e çmimit të kerosenit gjatë verës së vitit të kaluar me rënien e njëkohshme të euros ndaj dollarit amerikan”, si dhe një numër të lartë të shërbimeve teknike të kërkuara nga flota e saj e avionëve.

Zoti Balke tha se “na vjen veçanërisht keq për ndikimin që ka ky hap te punonjësit tanë”, të cilët kishin bërë çmos për të siguruar operacione të besueshme dhe të qëndrueshme të fluturimit.

Kompania, e cila kishte raportuar vështirësi financiare në janar, tha se kishte paraqitur kërkesën për faliment në një gjykatë të Berlinit të hënën vonë dhe se të gjitha fluturimet u anuluan brenda natës.

Filialet Swiss Germania Flug dhe Bulgarian Eagle të kompanisë nuk janë prekur nga ky falimentim, thuhej në deklaratë.

Linja ajrore do të niste fluturimet nga Tirana drejt Dyseldorfit dhe Zyrihut në 30 maj të këtij viti. Në faqen e kompanisë rezulton se fluturimet drejt Dyseldorfit janë anuluar, ndërsa ato drejt Zyrihut mund të vazhdojnë të prenotohen.

Falimentimi i kompanisë së vogël ajrore vjen pasi Air Berlin, që dikur ishte linja ajrore e dytë më e madhe e Gjermanisë, falimentoi në vitin 2017 kur aksioneri Etihad Airways tërhoqi fondet pas disa vitesh humbje.(Shqipëroi Kebriona Veliaj TemA)

Kujdes! Tatimet këshillojnë: Ja rastet kur sekuestrohet pasuria

10:37 Ekonomia

Një “ndikim italian” në të ardhmen e afërt të ekonomisë shqiptare?

09:11 Ekonomia

‘Lulëzon’ tregtia me Kolumbinë, importet rriten me 136%

08:58 Ekonomia

Si e pushtuan Italinë sipërmarrësit shqiptarë

09:19 Ekonomia

Brexit pa marrëveshje, Ford: Mund të na kushtojë 1 mld USD

22:15 Ekonomia

Punësim rekord në SHBA – 304 mijë vende të reja pune gjatë janarit

21:45 Ekonomia 2 komente

SHENIM: Sulm ndaj investimeve amerikane në Shqipëri, apo shpresë se destabilizimi mund të vijë prej bankave?

20:19 Ekonomia

Dështimi i paralajmëruar i PPP-ve, pse është e pamundur të zbatohen

10:53 Ekonomia

Arben Ahmetaj: Raporti i Standard and Poor's, pas FMN, tjetër notë pozitive për ekonominë shqiptare

08:26 Ekonomia

Nga 2010-2018: Sa milionë euro ka arkëtuar buxheti i shtetit nga “taksa e rrugës Durrës -Kukës”

09:17 Ekonomia