Te fundit
Sekretari socialist: Më 16 shkurt opozita proteston për rilindjen e Berishës dhe Bashës, ka skenarë destabilizimi
6 Shkurt 2019, 12:00Politika
TEMA
Protesta e paralajmëruar e opozitës më 16 shkurt në Tiranë dhe përpjekjet për të krijuar masivitet në pjesëmarrje, nuk ka kaluar në heshtje nga ana e mazhorancës.
Zv.sekretari për Bashkëqeverisjen e Aleancat ne PS, njëherësh numri dy i Ministrisë së Mbrojtjes Petro Koçi është shprehur se opozita proteston për rilindjen e Berishës dhe të Bashës, dhe ka si qëllim vetëm destabilizimin e vendit.
Sipas tij, pavarësisht se PD e ka ndryshuar kryetarin, filozofia e saj e të bërit politike është ajo që ka pasur që ditën e parë, nga dhuna në dhunë dhe nga grushti i shtetit në grusht shteti.
“Më 16 shkurt opozita proteston për rilindjen e Berishës dhe Bashës.
Skenarët e destabilizimit të Shqipërisë përputhen plotësisht me moralin e interesave politike të opozitës.
PD kryetarin e ndërron por zakonin se harron! Nga njëri grusht shteti në tjetrin shkon!”, reagon Koçi në rrjetin social.
Sekretari socialist shprehet dhe për grevën e pedagogëve të universiteteve, duke nënvizuar se “një pjesë e pedagogëve po bëjnë lojën e universiteteve private, duke stimuluar krizë me bojkote në UT!
PD dhe LSI kthyen në universitete organizatat bazë dhe byrotë e partisë!”(TemA)
Lini një Përgjigje
Më të lexuarat
24 oret e fundit
Javen e fundit
Blog Tema
