Ahmeti: Askush në Bruksel nuk e ka përmendur idenë e korrigjimit të kufijve

Kryetari i Partisë Social Demokrate, Shpend Ahmeti, i cili njëherësh është edhe bashkëkryesues i ekipit negociator të Kosovës në dialogun me Serbinë, ka komentuar të enjten deklaratën e presidentit të Kosovës, Hashim Thaçi, se idenë për korrigjimin e kufirit e ka marrë nga ish-presidenti i Kosovës, Ibrahim Rugova.

Ahmeti ka thënë se deri më tash askush zyrtarisht nuk e ka bërë një kërkesë të tillë në Bruksel.

“Nëse e paska propozuar Rugova e bën kjo më të mirë apo si është puna? Dje e dëgjova (v.j. ministrin e Jashtëm serb) Daçiç se ky është propozim i tij më pas e dëgjova presidentin serb Vuçiç që ai e paska përkrah për një kohë të gjatë. Është e qartë kërkesa sepse askush në Kosovë nuk do ta kërkonte këtë. 

Kjo është e qartë se është kërkesë e Serbisë, por e them zyrtarisht se formalisht në takime asnjëherë nuk është përmendur as nga ndërmjetësuesit në Bruksel as që kemi dëgjuar se e ka kërkuar Serbia”, është shprehur Ahmeti.

Sipas kryetarit të Prishtinës, platforma e delegacionit të Kosvës, nuk është kundër dialogut me Serbinë. Sipas tij, ajo çfarë është dëgjuar deri më tash nga ana e Serbisë, janë vetëm ankesat e jo ndonjë kërkesë e saktë.

“Por ne e kemi të qartë se çfarë duam. Ne duam njohje nga Serbia në kufijtë ekzistues që i kemi, pa nivel të tretë të qeverisjes. Pastaj mund të flasim për çështje të të drejtave të minoriteteve apo çështje tjera. Kërkesat tona janë të qarta, duhet të flasim për dëmet e luftës, pensionet dhe gjitha temat që i kemi ngritur”, ka shtuar ai.

Presidenti i Kosovës, Hashim Thaçi, ka përsëritur disa herë se ideja për shkëmbim të territoreve ndërmjet Kosovës dhe Serbisë, është përmendur edhe nga ish-presidenti i Kosovës, Ibrahim Rugova në vitin 1994.

Dialogu mes Kosovës dhe Serbisë ka nisur më 2011, me ndërmjetësimin e Bashkimit Evropian në Bruksel.

Procesi i dialogut pritet të përfundojë me një marrëveshje ligjërisht obliguese për të dyja shtetet.

Referendumet greke dhe britanike kanë paralele të rëndësishme

20:30 Rajoni

Lajthit Kamenos, ish ministri grek i Mbrojtjes: S’trembemi nga Shqipëria, Shkupin 20 minuta punë e kemi

14:56 Rajoni

Shkup, ndalohet ish-kryetari i parlamentit dhe dy ish-ministra (dhe imitimi i skenarit maqedonas nga opozita shqiptare)

09:22 Rajoni

Hashim Thaçi: Idenë e korrigjimit të kufirit e kam marrë nga Ibrahim Rugova

18:17 Rajoni

Zaharova: Rusia nuk e ka ndryshuar qëndrimin për Kosovën

15:16 Rajoni

Thaçi: Do të ketë destabilizim të rajonit nëse nuk ka marrëveshje me Serbinë

12:47 Rajoni

Me 250 mijë euro bëheni grek dhe europian

10:05 Rajoni

Si po grabitet historia shqiptare në Manastir, në favor të sllavëve?!

09:54 Rajoni

Ndarja e Jugosllavisë në 1977 linte Preshevën jashtë Serbisë

09:43 Rajoni

Ramush Haradinaj i përgjigjet Mogherinit: Serbia të kërkojë falje për krimet në Kosovë

18:31 Rajoni