Maduro: SHBA dhe opozita i ofruan ushtrisë një plan për grusht shteti

Presidenti i Venezuelës, Nicolas Maduro, ka falënderuar ushtrinë e vendit për mposhtjen e atij që e ka quajtur komplot për grusht shteti, i drejtuar nga SHBA-të dhe lideri i opozitës, Juan Guaido.

Presidenti në detyrë Nicolas Maduro ka pasur mbështetjen e ushtarakëve dhe aleatve të ngushtë, përfshirë Rusinë dhe Kinën që nga momenti ku udhëheqësi i opozitës Juan  Guaidó u vetëshpall  president i përkohshëm më 23 janar.

Në një fjalim jashtë pallatit presidencial të Miraflores, Maduro iu referua udhëheqësit të opozitës  Guaido si ” një kukull” që përdoret nga Shtetet e Bashkuara.  “Ata i ftuan forcat tona të armatosura të ndërmerrnin një grusht shteti, por përgjigjja ishte e qartë: ata e hodhën poshtë dhe e mundën këtë komplot”, tha Maduro.

Ndërkohë, kreu i opozitës, Guaidó, në një protestë të radhës njoftoi se do të fillojë një turne në  mbarë vendin për t’i ftuar mbështetësit e tij  të bëhen pjesë e një proteste masive në Karakas në ditët e ardhshme. Guaido, i cili kryeson Asamblenë Kombëtare të kontrolluar nga opozita, është njohur si president i përkohshëm nga më shumë se 50 vende.

Akuzat e Maduros se Guaido po përpiqet të kryejë një grusht shteti kundër tij me ndihmën e “imperialistëve amerikanë kanë qenë të përsëritura. Ndërsa në përpjekje për të justifikuar ndërprejet e energjisë elektrike që paralizuar pjesën më të madhe të vendit, Maduro tha se nënstacionet elektrike kanë qenë në shënjestrën e sulmeve kibernetike me “mbështetjen dhe ndihmën e SHBA-ve”.

Ndërprerjet  e përhapura të energjisë  elektrike që nga e enjtja thuhet se kanë ndodhur për shkak të problemeve  në uzinën hidroelektrike Guri, një nga objektet më të mëdha në Amerikën Latine. Venezuela varet nga infrastruktura e saj hidroelektrike më  shumë se nga rezervat e saj të naftës. Por dekada të tëra pa investime në këtë sektor kanë sjellë dëmtimin e digave të mëdha dhe për pasojë ndërprerjet e energjisë janë bërë të zakonshme.

Maduro e mori pushtetin në vitin 2013. Vitet e fundit, Venezuela ka përjetuar një nga  krizat më të mëdha ekonomike, me mungesa të mëdha ushqimore dhe një shkallë të frikshme inflacioni, që arriti të paktën 800 000 për qind vitin e kaluar. Ndërkohë gjithnjë e më shumë vende  fajësojnë qeverinë Maduro për krizën ekonomike, e cila ka bërë që më shumë se tre milionë njerëz të largohen nga Venezuela. (TemA TV)

Asnjë i mbijetuar pas rrëzimit të avionit me 157 persona në bord

13:31 Bota

Shtatë teoritë e diskutueshme të evolucionit të njeriut, nga ecja mbi dy këmbë, tek përdorimi i drogave

09:10 Bota

Nga Musolini, tek Mao Ce Duni: Jeta si fëmijë e një diktatori të pamëshirshëm

12:33 Bota

ANALIZA: Antisemitizmi dhe racizmi po përhapen në Francë

10:58 Bota

Tragjedia/ Avioni me 157 pasagjerë në bord rrëzohet në Kenia

10:39 Bota

A kanë mbetur në Gjermani mijëra luftëtarë të ISIS të pazbuluar?

10:20 Bota

Fund tragjik për alpinistët që guxuan kundër “Malit Killer“, do mbeten aty përgjithmonë

22:10 Bota

SONDAZHI: E padëshirueshmja mund të ndodhë: D djathta ekstreme, dy herë më shumë vende në PE

21:40 Bota

Pheniani mund të jetë duke u bërë gati për hedhje rakete

21:10 Bota

Mbretëria e Bashkuar hedh poshtë koncesionin e Brexit të BE-së si një ofertë ‘zhgënjyese’

20:55 Bota