Te fundit
Përçarja e Europës: Italia do t’i bashkohet nismës kineze të investimeve
19 Mars 2019, 21:34Bota
TEMA
Italia pritet t’i bashkohet nismës kineze “Një Brez, Një Rrugë” të enjten gjatë vizitës së presidentit kinez Xi Jinping në Romë.
Shtetet e Bashkuara janë kritike ndaj këtij projekti prej miliarda dollarësh dhe kanë paralajmëruar për rrezikun e asaj që njihet si “diplomacia e kurthit të borxhit”. Vendet e Bashkimit Evropian janë të shqetësuara se plani mund të shtojë të çarat brenda një koalicioni tashmë të tendosur.
Sipas analistëve, gjatë vizitës së Presidentit Xi, Italia pritet të nënshkruajë me Kinën një memorandum mirëkuptimi jo të detyrueshëm. Kjo marrëveshje do të hapë rrugën për projekte ndërtimi dhe financimi nga Banka Aziatike e Investimeve në Infrastrukturë me qendër në Pekin.
“Memorandumi perceptohet më shumë si një mënyrë për të siguruar më tepër eksporte në Kinë dhe më shumë shanse për të marrë financime nga Banka Aziatike e Investimeve në Infrastrukturë“, thotë Alessia Amighini, bashkëkryetare e Qendrës për Azinë në ISPI, një grup kërkimor me bazë në Romë.
Roma shpreson të pakësojë defiçitin tregtar me Kinën dhe të shmangë disa shpenzime të mëdha duke tërhequr investime kineze si dhe Bankën Aziatike të Investimeve në projekte të mëdha infrastrukturore. Marrëveshja gjithashtu do t’u japë kompanive kineze më shumë qasje në portin e ngarkuar të Triestes dhe për rrjedhojë në rajonin e Mesdheut.
Sipas njoftimeve që vijnë nga Italia, Roma po shqyrton mundësinë që të ftojë kompanitë kineze për të zgjeruar ose menaxhuar tre porte të tjera italiane, atë të Xhenovës, Palermos dhe Ravenës.
“Italia është e etur për të tërhequr investime, për të përmirësuar pozicionin e saj konkurues në raport me korridoret dhe portet e Evropës veriore“, thotë zonja Amighini.
Sipas analistëve, është e qartë se Kina po shfrytëzon konkurrencën brenda Eurozonës dhe po përpiqet të largojë një vend anëtar të rëndësishëm duke ofruar një sërë kushtesh tërheqëse.
Nënshkrimi i Memorandumit të mirëkuptimit do të përbënte një arritje të madhe politike për Kinën në një kohë kur janë rritur shqetësimet dhe kritikat lidhur me planin infrastrukturor. Italia është vend themelues i Bashkimit Evropian dhe mund ta ndihmojë Pekinin që t’i hapen dyert në Eurozonë.
Deri më tani, projektet më të mëdha të infrastrukturën rrugore kanë qenë të lidhura me vende me vështirësi të mëdha financiare, si Sri Lanka, Pakistani, ishujt Maldive dhe Greqia.
Me vendimin e Italisë për t’iu bashkuar këtij plani, Kina do të punojë me një vend ku ekziston më pak frika e rrëshqitjes në një kurth borxhi.
Por vendimi mund të sfidojë strategjinë e lidhjes infrastrukturore të Evropës, një plan që u publikua në shtatorin e 2018-s dhe synon të përmirësojë lidhjet brenda Evropës dhe Azisë duke i bërë jehonë standardeve të qëndrueshmërisë dhe praktikave të bazuara në rregulla.
Analistët po presin të kuptojnë nëse Presidenti Xi do të ofrojë një variant të modifikuar të projektit në Itali, me qëllimin për të përmbushur standardet evropiane, por miratimi i këtyre standardeve do ta zhvishte Kinën nga aftësia për të ulur shpenzimet dhe zvogëluar avantazhin e saj konkurrues.
“Nuk pres që Kina të tregojë më shumë fleksibilitet. Në çdo rast, nuk i shoh kushtet e financimit si një çështje reale në Evropë“, thotë zonja Amighini.
Përçarja e Europës
Menaxherja e programit të zyrën e Këshillit Evropian për Punët e Jashtme në Romë Teresa Coratella, thotë se ky hap i autoriteteve italiane ka potencialin të krijojë përçarje brenda Bashkimit Evropian në një kohë kur blloku po punon rreth një qasjeje të përbashkët ndaj investimeve kineze.
Si Shtetet e Bashkuara ashtu edhe Franca kanë shprehur pakënaqësi lidhur me këtë lëvizje të Romës, ndërsa zyrtarët gjermanë thuhet se kanë lobuar kundër nënshkrimit të memorandumit të mirëkuptimit. Italia është i vetmi anëtar i Grupit të Shtatë Vendeve më të Industrializuara të botës që po i bashkohet nismës kineze “Një Brez, Një Rrugë.”
“Italia është një ekonomi e madhe botërore dhe një destinacion i madh investimi. Nuk është e nevojshme që qeveria italiane t’i japë legjitimitet projektit të pavlerë kinez mbi infrastrukturën“, shkruante në twitter Garrett Marquis, zëdhënës i grupit të këshilltarëve për Sigurinë Kombëtare në Shtëpinë e Bardhë.
Presidenti francez Emmanuel Macron ka shprehur pakënaqësi rreth vendimit të Romës dhe ka bërë thirrje për një “qasje të bashkërenduar” të të gjithë anëtarëve të Bashkimit Evropian kundrejt planeve kineze.
Drejtuesi i Departamentit të Marrëdhënieve Ndërkombëtare në Universitetin Bucknell të Pensilvanisë, Zhiqun Zhu thotë se Shtetet e Bashkuara po e ekzagjerojnë idenë e një kërcënimi kinez në të gjitha çështjet, duke përfshirë planin infrastrukturor.
“Italia dhe vendet e tjera duhet të marrin vendimet e tyre, në vend që të jenë të detyruara të zgjedhin mes SHBA-së dhe Kinës“, thotë zoti Zhu.
2 komente në “Përçarja e Europës: Italia do t’i bashkohet nismës kineze të investimeve”
Lini një Përgjigje
Lini një Përgjigje
Më të lexuarat
24 oret e fundit
Javen e fundit
Blog Tema
Shume projekte kane filluar kinezet ne evrope, por te gjitha jane lene pergjysem…..
Ne Itali do bashkepunojne me kompanine SERENISIMA qe i grabiti shqiptarve 30 milion euro bashke me LSI- ne
E gjithe bota kerkon investime nga Kina e cila aktualisht zoteron burimet me te medha financiare ,njerezore dhe tenkologjike ne marredheniet dhe konkurencen ekonomike globale.Vendet me te pasura dhe zhvilluara kane marredheniet me shifrat me te larta me KINEN.Por nderkohe Kina ,e etur per lende te para dhe per tregje per eksport po zhvillon marrdhenie intensive gati me te gjithe kontinentet ,si me vende te rendesishme qe jane ne procesin e nje rritje te shpejte ekonomike si BRAZILI,INDONEZIA ,TURQIA ,IRANI ,ARGJENTINA ,AFRIKA E JUGUT ,MEKSIKA ,vendet e pasura me nafte ,ashtu edhe me vendet e varfera qe kerkojne investime,teknologji dhe infrastrukture.Per arritjen e objektivave afatmesme dhe afatgjata lideret kineze udhehiqen nga pragmatizmi,mosnderhyrja ne punet e brendeshme dhe barazpesha ne perfitim .Ne kete kuader edhe projekti gjigand i rruges se re te mendafshit synon gjithperfshirjen e kujdo qe ka interes per investime ,hapsira eksporti dhe bashkepunimi .Absurdi me i madh i ketij realiteti qendron ne hipokrizine e madhe te vendeve te medha dhe te pasura .nderkohe qe ato zhvillojne me Kinen marredhenie shumedimensionale multimilardare ,u kerkojne apo u imponojne te tjereve frenim ne marredheniet me Kinen .Shumica e ketyre vendeve nuk i perfillin keto paralajmerime dhe vazhdojne rrugen e tyre drejt zgjerimit te marredhenieve me Kinen ,nderkohe qe 13 vende ,edhe pjesetare te BE kane neneshkruar pjesemarrjen ne RRUGEN E RE TE MENDAFSHIT .Shume nga keto vende jane fqinjet tane .Vetem ne ,te mpire nga servilizmi politik ,te qorruar nga idete idiote…aleanca strategjike…sikur te ishim qendra e botes nderkohe qe nuk jemi ne gjendje te zhvillojme asnje politike moderne ekonomike ,trembemi dhe nuk marrim pjese ne projektin gjigand qe Kina synon te realizoje jo vetem por me te gjithe .Nga pala kineze gjithmone eshte shprehur gatishmeria per te zgjeruar dhe rritur investimet ne Shqiperi ,kjo per shume aresye ,mbi te gjitha per hir te marredhenieve shume te ngushta ne te kaluaren .Por qeverite tona ,pa dinjitet ,pa iniciative ,te trembura dhe te mbyllura ne kafazin ku kemi vendosur te jetojme ,nuk kane bere asnje veprim per terheqjen e atyre investimeve kineze te cilat do te sillnin nje zhvillim te shpejte te degeve industriale moderne dhe fitimprurese.Sikur vetem shumkombeshet e elektronikes dhe informatikes te Shenxhenit te merrnin persiper ngritjen e nje zinxhiri ndermarrjesh moderne ne Shqiperi ,brenda nje kohe relativisht te shkurter do te behej e mundur gjallerimi i te gjithe ekonomise me efekte pozitive ne punesim ,ne te ardhura ,ne arsim,shkence deri ne uljen e korrupsionit dhe krimit .Nje rini qe punon nuk humbet kohen apo shkaterron te aedhmen me veprimtari te paligjeshme .Prandaj z.RAMA leri shfaqjet ,mos u merr me kriminelet e opozites por vepro shpejt me pragmatizem ,pa deklarata por me marreveshje konkrete .Dhe e para ne liste duhet te jete Kina ,PASI TE GJITHE VEPROJNE KESHTU ,QE NGA MIQTE TANE AMERIKANET ,GJERMANET ,E DERI TEK VENDI ME I FUNDIT I PLANETIT .