SKANDALI/ Zbulohet lobimi i PD në Senat kundër ambasadores së re amerikane Kavalec

Kathleen Ann Kavalec ishte e nominuara e presidentit Donald Trup për ambasadore të SHBA në Tiranë, por ajo nuk e mori miratimin e Senatit për këtë detyrë.

Top Channel ka arritur të faktojë përmes dokumenteve se gjatë kohës së pritjes nga Kavalec për të marrë dritën jeshile në Senat, Partia Demokratike ishte shumë e interesuar për këtë zhvillim. “Sonoran Policy Group”, kompania e re lobuese e PD-së në Uashington gjatë periudhës 8.05.2018 deri më 7.9.2018 është vënë në kontakte intensive me anëtarët e Senatit Amerikan për procesin e përzgjedhjes nga ata të Kathleen Ann Kavalec si ambasadore në Shqipëri.

Gazetari i Top Channel, Muhamed Veliu, përmes një kërkimi në seksionin e deklarimeve të kompanive lobuese në Depertamentin Amerikan të Drejtësisë, gjeti të gjithë korrespondencën e kompanisë lobuese të PD-së, Sonoran Policy Group, që mban datën 1 Mars 2019. Në këtë dokument është pasqyruar puna lobuese e saj në emër të PD-së përsa i përket të nominuarës për ambasadore në Shqipëri dhe çështjeve që lidhen me sigurinë, narko-trafikun dhe terrorizmin.

Lobisti i kësaj kompanie, Christian Bourge, ka dërguar për llogari të PD-së 6 e-mail, ka kryer 2 telefonata dhe 3 takime me anëtarët e Senatit dhe këshilltarët kryesorë të senatorëve nga Komiteti për Politikën e Jashtme, të cilët kishin mbi tavolina dokumentacionin e kandidaturës së ardhur nga Presidenti Trump për ambasadore në vendin tonë.

Christian Bourge i ka telefonuar analistes Molly Lazio dhe është takuar me senatorin Rob Portman, anëtar i Komitetit për Politikën e Jashtme në Senat të përfshirë direkt në procesin e shqyrtimit të kandidaturës së Kathleen Ann Kavalec.

Top Channel e pyeti PD-në çfarë kishte kërkuar të bënte në emër të saj kompania lobuese në lidhje me të nominuarën për ambasadore. Reagimi zyrtar është ky: “Lobimi i Partisë Demokratike ka patur si qëllim çështjet e narkotrafikut, krimit të organizuar dhe kapjes së shtetit, probleme të cilat ishin ngritur me nota shumë serioze në raportin e Departamentit të Shtetit për Strategjinë e Kontollit të Narkotrafikut Ndërkombëtar për vitet 2017 dhe 2018. Me senatorët e Komisionit të Jashtëm është diskutuar për ngritjen e këtyre problemeve në seancën dëgjimore me ambasadoren e emëruar dhe nxitjen e saj për të bërë prioritet të punës së saj në Tiranë luftën kundër narkotrafikut, krimit të organizuar dhe korrupsioni”.

“Sonoran Policy Group”, në deklarimin e Departamentit Amerikan të Drejtësisë, në pasqyrën e pagesave për punën e bërë, thotë se nuk marrë asnjë pagesë nga PD për këtë operacion lobimi në Senat.

Emri Kathleen Ann Kavalec, e nominuara e Presidentit Trump për ambasadore në Shqipëri, u rikthye në vëmendjen e medias shqiptare disa ditë më parë, pasi Sarah Carter, gazetare e Fox News, tha se zyrtarja e DASH-it ka komunikuar me ish-agjentin britanik, Christopher Steele, i cili kishte hartuar një dosje me pretendime shkeljesh e komploti ndërmjet fushatës presidenciale të Trumpit dhe Moskës në zgjedhjet e vitit 2016.

Sipas saj, kjo ishte arsyeja përse Senati nuk e shqyrtoi kandidaturën e saj. Kathleen Ann Kavalec është një ndër ekspertet më të mira në Departamentin Amerikan të Shtetit si njohëse e influencës ruse, pasi ka drejtuar në DASH zyrën që mbulonte Rusinë.

Kavalec, që prej 30 vitesh pjesë e diplomacisë amerikane, ka punuar edhe për zëvendëssekretaren e Shtetit, Victoria Nuland, është mbështetëse e ish-Presidentit Barack Obama dhe ish-kandidates demokrate në garën për Shtëpinë e Bardhë, Hillary Clinton, dhe ka bërë për fushatat e secilit prej tyre nga një donacion të vogël prej 250 dollarësh.

Top Channel

Çështja "Babale 2", Ervin Salianji: Ju tregoj gjurmët tronditëse që kam zbuluar dhe dëshmitarin e sajuar

14:47 Politika

Pas bojkotit të opozitës, KQZ thirrje qytetarëve: Bëhuni pjesë e komisioneve zgjedhore

12:51 Politika

Lorenc Vangjeli- Salianjit: Ose je mashtrues ose budalla që ta hodhën “Babalet”, bastin e ke me gjykatën

12:31 Politika

INTERVISTA/ Alfred Moisiu: Çfarë po bën “kryeplaku” Meta dhe pse duhet të marrim shembull nga Greqia e Italia për krizat

11:58 Politika

Juntë ushtarake në Shqipëri? Zv.mininistri i Mbrojtjes: Deklaratë e papjekur nga Meta, do jetë penduar

11:50 Politika

Geri Kokalari: Kur u fut në burg menaxheri i fushatës së Trump, mos mendoni se do shpëtojë Basha. Shkëlzeni mund të ketë një problem edhe më të madh në SHBA

11:36 Politika

Prokuroria politike në duart e Lulzim Bashës!

11:24 Politika

“Oferta” e Ramës për zgjedhje, Oketa: Nuk është zgjidhje, u ofrua nga ‘kazani’ dhe ‘kadrinjtë’

11:11 Politika

FOTOT: Ervin Salianji mohon vëllain nga nëna, pas skandalit të dënimit në Itali

10:54 Politika

Ish- ministri i LSI i del në mbrojtje Sajmir Tahirit: Procesi ndaj tij është i montuar, po linçohet

10:44 Politika