Te fundit
"Air Albania" dhe "Aeroporti i Vlorës", Johanes Hahn: Do të kontrollojmë prokurimet publike të qeverisë shqiptare
4 Prill 2019, 17:51Politika
TEMA
Komisioni Europian i ktheu përgjigje një eurodeputeti mbi shkelje të mundshme nga ana e Shqipërisë në rastet e Air Albania dhe Aeroportit të Vlorës duke njoftuar se prokurimet shqiptare do të vlerësohen nga teknicienët gjatë muajve të ardhshëm.
Komisioni Europian bëri të ditur në një letër përgjigje për eurodeputetin Paul Rübig nga Partitë Popullore Europiane se do të kryejë një vlerësim të prokurimeve të debatuara publikisht të qeverisë “Rama” në përgjithësi dhe në veçanti, në rastin e kompanisë ajrore Air Albania dhe kontratës koncesionare të mbetur në negocim për aeroportin e Vlorës.
Komisioneri për Fqinjësinë dhe Zgjerimin Hohanes Hahn firmosi përgjigjen e komisionit për pyetjet e ngritura nga deputeti Paul Rübig i Partive Popullore Europiane, blloku i partive të djathta në parlamentin Europian. Rübig pati ngritur pyetjen se çfarë mendimi ka Komisioni Europian në lidhje me shqetësimet e ngritura nga media se Air Albania u krijua si një partneritet publik-privat jashtë rregullave të prokurimit dhe Marrëveshjes së Stabilizimit dhe Anëtarësimit, (MSA), e cila ia detyron Shqipërisë që të bëjë prokurime publike të hapura dhe të vendosë në kushte të barabarta kompanitë europiane me ato joeuropiane apo shqiptare.
E njëjta pyetje u ngrit edhe për Aeroportin e Vlorës, për të cilin, Kuvendi i Shqipërisë, me kërkesë të qeverisë së kryeministrit Edi Rama, miratoi një ligj të jashtëzakonshëm për negociata të drejtpërdrejta me disa kompani turke. Afati i vendosur në ligj për negocimin ka skaduar prej kohësh ndërsa qeveria nuk ka bërë të ditur se çfarë rezultati kanë pasur negociatat.
Megjithatë, metoda e ndjekur për arritjen e kësaj marrëveshjeje e njohur si “Procedurë e Veçantë Negociimi” ka ngritur shqetësime për prokurim të drejtpërdrejtë dhe pa garë, për anashkalim të ligjeve aktuale të prokurimit publik dhe partneritetin publik-privat si dhe për shkelje potenciale të rregullave të MSA dhe rregullave të Organizatës Botërore të Tregtisë.
“Komisioni është i vetëdijshëm për ankesat në lidhje me dhunimin e mundshëm të Marrëveshjes së Stabilizimit dhe Asocimit (MSA) mes BE-së dhe Shqipërisë në lidhje me ndërtimin e aeroportit të Vlorës dhe krijimit të Air Albania,” shkruan Hahn në përgjigjen e tij.
“Ndërsa nuk mund të dallohet një shkelje e hapur e MSA mes BE-së dhe Shqipërisë në kontrollet e deritanishme, këto çështje natyrisht që do të merret parasysh në vlerësimin e përgjithshëm të afrimit të Shqipërisë me acquis të BE-së,” vijon më tej letra.
“Një vlerësim më i gjerë dhe më i thellë i kuadrit të prokurimit publik dhe konkurrencës/ndihmës shtetërore në Shqipëri është planifikuar sakaq përmes ndërveprimeve të ndryshme teknike në muajt e ardhshëm,” paralajmëron Hahn në letër.
Qeveria shqiptare ka miratuar deri më sot pesë ligje speciale që në thelb shmangin garën dhe duket se përbëjnë prokurim të drejtpërdrejtë në shkelje të Marrëveshjes së Stabilizimit dhe Anëtarësimit me BE-në dhe rregullave të anëtarësimit në Organizatën Botërore të Tregtisë. Të pësë ligjet nuk kanë sjellë pasoja deri tani, por BE është përfshirë në debat në dy prej këtyre katër ligjeve, atë për Teatrin Kombëtar dhe për Aeroportin e Vlorës.
Pyetja Paul Rübig (PPE)
Tema: Dhunimi i ligjit të prokurimit publik dhe konkurrencës në Shqipëri
Sipas shumë raportimeve mediatike, ka pasur një numër dhunimesh të prokurimit publik dhe ligjit të konkurrencës në Shqipëri në lidhje me krijimin e një kompanie të re ajrore “Air Albania’ dhe ndërtimit të një aeroporti në Vlorë. Ato vënë në dukje kriteret e Marrëveshjes së Stabilizimit dhe Anëtarësimit mes BE-së dhe Shqipërisë të cilat janë dhunuar dhe rregullat e Organizatës Botërore të Tregtisë të cilat janë thyer. Sipas këtyre raportimeve në media, autoritetet përkatëse të kontrollit në Shqipëri kanë dështuar në vijimësi të luajnë rolin e tyre mbikëqyrës siç duhet.
1.A bie dakord komisioni me vlerësimin e këtyre raporteve të medias se ligji i prokurimit dhe ai i konkurrencës është dhunuar në këtë rast?
2.Nëse po, çfarë masash praktike do të ndërmarrë Komisioni që të sigurohet që Shqipëria të respektojë dhe të zbatojë të gjitha rregullat e prokurimit publik dhe konkurrencës në dy rastet e mësipërme dhe më në përgjithësi të plotësojë të gjitha detyrimet që rrjedhin nga marrëveshja e Stabilizimit dhe Anëtarësimit BE-Shqipëri dhe nga rregullat e OBT?
Përgjigjja: Johanes Hahn, Komisioner
Sipas MSA-së, dhënia e kontratave publike mbi bazën e mosdiskriminimit dhe reciprocitetit, në veçanti në kontekstin e Organizatës Botërore të Tregtisë është një objektiv kyç. Shëbimet e Komisionit e theksojnë këtë rregullisht në diskutimet e tyre me autoritetet shqiptare. Në përgjithësi, roli i shërbimeve të Komisionit është që të monitorojë zhvillimin e kuadrit ligjor në Shqipëri, të vlerësojë përputhshmërinë me Acquis të BE-së dhe angazhimeve të ndërmarra nga Shqipëria ndaj BE-së, dhe në mbështetjen e autoriteteve shqiptare në këtë proces.
Ndërsa nuk mund të konkludohet se ka një shkelje flagrante të MSA mes BE-së dhe Shqipërisë përmes këtyre kontrolleve deri tani, këto raste natyrisht do të merren parasysh në vlerësimin e përgjithshëm të afrimit të Shqipërisë me acquis të BE-së. Një vlerësim më i thellë dhe më i gjerë i prokurimit publik dhe konkurrencës/ndihmës shtetërore në Shqipëri është planifikuar tashmë përmes ndërveprimeve të ndryshme teknike në muajt e ardhshëm.
Pesë ligjet speciale
1.PROJEKTLIGJ “PËR PËRCAKTIMIN E PROCEDURËS SË VEÇANTË PËR NEGOCIIMIN DHE LIDHJEN E KONTRATËS ME OBJEKT “PROJEKTIMI DHE REALIZIMI I PROJEKTIT URBAN DHE GODINËS SË RE TË TEATRIT KOMBËTAR””
2.PROJEKTLIGJ “PËR PËRCAKTIMIN E PROCEDURËS SË VEÇANTË PËR NEGOCIIMIN DHE LIDHJEN E KONTRATËS, NDËRMJET SHTETIT SHQIPTAR DHE SHOQËRIVE “CENGIZ CONSTRUCTION &; KALYON; KOLIN CONSTRUCTION”, ME OBJEKT PROJEKTIMIN, NDËRTIMIN, OPERIMIN, MIRËMBAJTJEN DHE MENAXHIMIN E AEROPORTIT TË QYTETIT TË VLORËS”.
3.PROJEKTLIGJ “PËR PËRCAKTIMIN E PROCEDURËS SË VEÇANTË PËR NEGOCIIMIN DHE LIDHJEN E KONTRATËS, NDËRMJET SHTETIT SHQIPTAR DHE KOMPANISË “STAR BRIDGE PORT DEVELOPMENTS LIMITED”,ME OBJEKT PROJEKTIMIN, NDËRTIMIN, OPERIMIN, MIRËMBAJTJEN DHE MENAXHIMIN E PORTIT TË KARPENIT, ZONËS MBËSHTETËSE TË PORTIT DHE ASAJ EKONOMIKE”.
4.PROJEKTLIGJ “PËR PËRCAKTIMIN E PROCEDURËS SË VEÇANTË PËR NEGOCIIMIN DHE LIDHJEN E KONTRATËS KONCESIONARE/PPP, ME OBJEKT NDËRTIMIN, OPERIMIN, MIRËMBAJTJEN DHE MENAXHIMIN E RRUGËS SË ARBRIT, NDËRMJET SHTETIT SHQIPTAR DHE KOMPANISË KINEZE “CHINA STATE CONS.
5.PROJEKTLIGJ “PËR PËRCAKTIMIN E PROCEDURËS SË VEÇANTË PËR NEGOCIIMIN DHE LIDHJEN E KONTRATËS, NDËRMJET SHTETIT SHQIPTAR DHE KOMPANISË “STAR BRIDGE PORT DEVELOPMENTS LIMITED”,ME OBJEKT PROJEKTIMIN, NDËRTIMIN, OPERIMIN, MIRËMBAJTJEN DHE MENAXHIMIN E PORTIT TË KARPENIT, ZONËS MBËSHTETËSE TË PORTIT DHE ASAJ EKONOMIKE”. (BIRN)
8 komente në ““Air Albania” dhe “Aeroporti i Vlorës”, Johanes Hahn: Do të kontrollojmë prokurimet publike të qeverisë shqiptare”
Lini një Përgjigje
Lini një Përgjigje
Më të lexuarat
24 oret e fundit
Javen e fundit
Blog Tema
Ne fakt mire do jete te kontrollohen tenderat nga jashte , sepse cdo gje eshte zaptu nga disa oligark , jo me DH , jo XHH, jo indian , kane shkaterru gjithe tregun bashk me disa ministra legena, kane blloku ardhjen e bizneseve
I nderuari Mr Hahn e njeh shume mire Edrogen qe smund te besohet si piktor e jo ma per Air Anadoll e Vlora Aeroport.
Keta nuk japin para as nuk investojne tek ne. Cfare m.tin kane se me cfare para i bejme ne aeroportet dhe floten tone ajrore? Ne nuk jemi pjese e Europes, madje as negociatat nuk duan ti japin. Mesa duket tani qe ne morem fonde nga Turqia dhe me fonde shqiptare dikush eshte i interesuarc te beje para. Sigurisht edhe Lulja me dobicin e Vicidolit kan efolur ne veshin e ndonjerit qe e paguajne dhe ai foli ne veshin e dikujt tjeter ne Parlamentin europian (te dy te paguar me para ruse) dhe tani Shqiperia investigohet per leshtv e bythes. Shqiperia eshte shtet sovran me qeveri sovrane dhe mund te lidhe marreveshje me ke i do bytha. Perse Italia ben biznes me Kinen kundra deshires se vendeve te tjera europiane dhe asnje nukm i ben investigim. Pra, Han me shoke ‘vaffanculo’.
ore ka te drejte BE-ja, vet Drejtori i DPAC Krislen Kërri,( i biri i Pilo Kërrit dhe nipi i Simon Kërrit, i mirenjohur si kryetar i shoqates se vlleheve qe sipas shtypit ishte kreu i trafikimit te qeneive njerezore drejt USA dhe UK) ka denoncuar ne zyrat e delegacionit europian ne Tirane parregullsi ne Liçensimet ne fjale. Krislenin e kane futur ne aviacion civil persona me influence ne PD, dhe kuptohet ishte koha e koalicionit PD LSI. Si shperblim Kërri i futi kto persona ne grup pune per studimin e fizibilitetit te aeroportit te Vlores. Hulumtoni dhe do gjeni emra potencial sot te PD-s. Prandaj ato qe thote ky deputet i Partise Popullore i ka te verteta. Kjo qe po shkruaj nuk eshte teori konspirative. Ashtu si Krislen Kërri ja futi LSI ashtu po eshte duke ja fut dhe PS-s..por ka nje shans duke shfrytzuar inatin Kryeministror qe meqenese Zonja Kryemadhi e demaskoi ne TV, mbahet akoma nen filozofine kineze qe ” armiku i armikut tim eshte MIKU im” Ti rroj
Kuptohet sa shume e do opozita ogurzeze Shqiperine. Per çdo gje e padit te millonai.
Dhe ca gomare ketu komentojne si ne te temave …
Jane ziliqare nga Europa. Shofin qe po behet dicka qe su eshte dhene atyre dhe duan per vete… pika qe su bie, kendej se zgjidhin qesen per ndonje gje dhe andej duan transparence per investimet e te tjereve.
Pfff ka 30 vjet ky muhabet vidh njoni vidh tjetri. Asnjoni s hy nburg, vk mo. Thjesht ndrrojne venet, 4 vjet njona parti 4 vjet tjetra LSI vjedh sa majtas djathtas.
SDO mente se kerkojne deputetet e PPE NE BRUKSEL pas jane tentakulat e shpellarit te TROPOJES ,se VLORA ja ketheu patkojte ,do apo nuk do PD dhe sahanlepirit e shpellarit ajroporti do behet ne VLORE dhe do krijoje konkurence TIRANES qe mban çmimet me te larta ne rajon.