Te fundit
Visar Zhiti i përgjigjet ish-kryepolicit të Qafë-Barit: Paturpësi! S'kam punuar asnjë ditë në ofiçinë
17 Prill 2019, 21:37Sociale
TEMA
Poeti dhe shkrimtari Visar Zhiti është përfshirë në një debat me ish-shefin e policisë së kampit të Qafë-Barit, Edmond Çaja. I ftuar në studion e lajmeve në RTV Ora, Zhiti tha se është paturpësi që një persekutor ngre gishtin mbi një të përsekutuar.
Visar Zhiti: Unë nuk kam punë me të, unë kam punë me shefin e policisë në kampin e Qafë Barit ku u bë një revoltë e rëndësishme e të burgosurve politike dhe dhuna policore, terrori i asaj kohe ndëshkoi burgun, pushkatoi njerëz, theu eshtra.
Unë i përgjigjem këtij realiteti. Jam i detyruar ti përulem së vërtetës dhe të nderoj vuajtjen njerëzore dhe atë qëndresë të madhe dhe ta tregoj me gisht atë që pashë.
Beti Njuma: Nga letra e botuar nga ky person rezulton se njerëz që i kanë shërbyer atij sistemi diktatorial nuk kanë pendesë
Visar Zhiti: Po, ai bashkë me ata jo vetëm nuk shfaqin pendesë, por kanë paturpësinë që në një kohë tjetër, kur edhe ata nuk janë policë dhe unë nuk jam më i burgosur politike, flasin kundër viktimave të tyre.
Në asnjë vend të botës nuk mund të ngrejë gishtin persekutori kundër të persekutuarve, sidomos në kushtet e tanishme kur unë jam në kohën time dhe me butësi tregojmë çfarë ndodhi, këta vërsulen në mënyrën më të përbindshme.
Nëse atëherë po bënte i detyruar detyrën, sot që nuk është më në atë detyre dhe jeton në një nga vendet më të demokratizuara, flet si një polic, ndëshkon si një polic dhe kjo është e patolerueshme.
Beti Njuma: Kjo ishte problemi i letrës së tij që ishte e mbushur me krenari…
Visar Zhiti: …dhe me shpifje. Mund të jetë një krenari boshe. Ka dhe shpifje të padurueshme dhe të dënueshme.
Ky njeri e shikon kalimin tim nga burgu i Spaçit në Qafë Bar si i dërguar, kur unë shkoj me të gjithë të burgosurit.
Ky njeri, nëse është ende njeri, më thotë që kam punuar në ofiçinën e burgut.
Unë nuk kam punuar asnjë ditë në ofiçinë, e tregojnë dokumentet e burgut.
Nëse do të punoja, ofiçina është vend që të çojnë, nuk e zgjedh vetë. I burgosuri shkon në ofiçinë, shkon në berberhane, shkon dhe në pushkatim.
Unë nuk kam qenë për asnjë sekondë bashkëpunëtor i tij dhe i askujt tjetër.
Është hapur dosja ime, njerëzit janë të lirë të flasin me dokumentacion.
4 komente në “Visar Zhiti i përgjigjet ish-kryepolicit të Qafë-Barit: Paturpësi! S’kam punuar asnjë ditë në ofiçinë”
Lini një Përgjigje
Lini një Përgjigje
Më të lexuarat
24 oret e fundit
Javen e fundit
Blog Tema
Ti zemerohesh e revoltohesh Jupiter prandaj nuk ke te drejte
Shume mire ua bejne ju te persekutumve , te kishit marr hakme kohe ndaj atyre qe ju kane persekutuar ti kishit vrare dhe terhek zvarr si Gdafet e libis me kohe tani mos beni der derrr
Beti “gazetarja”, keto qenie te neveritshme dhe katunareske ?
Burgaxhinj ore, burgaxhinj keni qene, race e shpifur qe ndyni shoqerine!
Bisht qeni do ngelni gjithe jeten …
Ish hetuesit Korabit apo me sakte persekutorit te djeshem i kujtoj se me 1992 ju e miqte e tu persekutore duhej te zvarriteshit ne rruget e Shqiperise por plani “Marshall ” i jashtem me kombinim ate te brendshem ju shpetoi nga shpagimi i vertete e sot keni paturpsine te shpreheni si me siper .Jeni te mundur ,te harruar ,jeni shemtita e historise se vendit e ju ka mbet vec te lehni si nje qen rrugesh . E keni kete te drejte ju e jep demokracia!! .Te lehni e lehni deri sa te leni kete bote me turp e njollen PERSEKUTORE qe i shpetuan denimit te meritueshem .