“Britanikët e kanë një shans të dytë për Brexit-in”

Brexit-i i vështirë i Britanisë ka ngritur herë pas here pyetjen nëse ka vend për një referendum të dytë, madje edhe janë mbledhur firma për peticione të cilat kërkojnë që britanikëve t’u njihet e drejta për t’u menduar edhe njëherë në lidhje me shkëputjen nga BE-ja. Një javë më parë, në një samit të jashtëzakonshëm në Bruksel, liderët e BE-së vendosën shtyrjen e shkëputjes përfundimtare për më 31 tetor të këtij viti. Kjo do të thotë që Britania do të marrë pjesë në zgjedhjet për Parlamentin Europian, që mbahen në maj.

Për Timothy Garton Ash, këto zgjedhje do të jenë një referendum i dytë për Brexit-in.

“Në vetëm pesë javë, Britania do të ketë një referendum mbi Brexit. Ai do të marrë formën e zgjedhjeve në Parlamentin Evropian, por në realitet ky do të jetë një parareferendum, ose, nëse ju pëlqejnë neologjizmat, një preferendum. Pra, tani, detyra është e thjeshtë: të maksimizohet vota për partitë që mbështesin një referendum konfirmues mbi Brexit, duke i dhënë popullit britanik një zgjedhje demokratike midis pranimit të marrëveshjes së negociuar të Brexit-it dhe mbetjes në BE”, shkruan ai për “The Guardian”.

Analisti i njohur britanik, profesor për studimet europiane në Universitetin e Harvardit, argumenton se në përfundim të procesit, ajo që do të ketë më shumë rëndësi është se si do të ndahet vota mes partive proeuropiane dhe atyre proBrexit.

“Në fund të ditës, ajo që do të ketë më shumë rëndësi se ndarja e saktë e vendeve në PE është se do të mund të themi: “X milion njerëz votuan për partitë proevropiane, pro-referendum, ndërkohë që vetëm Y milion votuan për partitë pro-Brexit, si Ukip, Partia e re e Nigel Farage dhe konservatorët”. Në këtë llogaritje thelbësore, në fund të fundit, ka shumë rëndësi çdo votë. Çdo zë do të llogaritet”, shkruan ai.

Nisur nga kjo, si edhe duke parë pjesëmarrjen e ulët që tradicionalisht kanë pasur zgjedhjet europiane (35.6% në zgjedhjet e fundit), Garton Ash u bën thirrje britanikëve më të drejtë vote, brenda dhe jashtë vendit, ta ushtrojnë atë në zgjedhjet e majit.

“Me këmbët tona, zërat tanë dhe votat tona, ne mund të tregojmë një histori tjetër”, përfundon ai.(TemA TV)

Kryeprokurori Barr jep hollësi të raportit Mueller

20:00 Bota

Seanca e fundit e Parlamentit Europian mbyllet me performancë muzikore

19:43 Bota

Duan t'i rikthejnë vizat Shqipërisë për "kriminelët, por sipas DASH, bandat holandeze të drogës bëjnë "kërdinë"

19:36 Bota

Super-grabitja e bizhuterive: Telashe për "mbretin e skifterëve" në Londër, shqiptari del para gjykatës

17:49 Bota

Marrëdhëniet SHBA-Rusi: Këshilltarja e Presidentit Trump në Moskë për bisedime

17:05 Bota

Ethet e floririt që u shndërruan në ethe të vezëve

16:15 Bota

Viktimat e terrorit serb dëshmojnë në Kongresin amerikan

15:23 Bota

ANALIZA: Sllavoj Zhizhek lëshon alarmin: Për 10-20 vjet, mund të shpërthejë Lufta e Tretë Botërore

14:57 Bota

FOTOT: 18 shkrepjet më spektakolare që kanë bërë historinë botërore

14:04 Bota

Irlandezët kundër Çarls Bojkotit: Kush ishte shkaktari i “bojkotit” të parë në histori, si një formë proteste

13:10 Bota