Te fundit
Rudina Hajdari mesazh Holandës: Shqipëria meriton hapjen e negociatave, faktor stabiliteti, sigurie dhe paqeje në rajon
22 Maj 2019, 10:31Politika
TEMA
Deputetja demokrate Rudina Hajdari, ka apeluar në Holandë për hapjen e negociatave për Shqipërinë me Bashkimin Europian.
Përmes një postimi në facebook, kryetarja e komisionit të Integrimit, shkruan se Shqipëria dhe shqiptarët e meritojnë hapjen e negociatave në qershor.
Hajdari ndodhet në një vizitë zyrtare në Holandë e shoqëruar nga kryeparlamentari Gramoz Ruci dhe kreu i grupit parlamentar të PS, Taulant Balla.
“Në cilësinë e Kryetares së Komisionit të Integrimit shpreha se Shqipëria dhe Shqiptarët e meritojnë hapjen e negociatave në qershor.
Në seancën dëgjimore me Komisionin për Çështjet e BE në Parlamentin e Holandës theksova se hapja e negociatave është e rëndësishme për destinacionin europian të vendit tonë.
Si anëtare e NATO-s prej dhjetë vjetësh, Shqipëria është një faktor stabiliteti, sigurie e paqeje në rajon e më gjerë. Hapja e negociatave është e rëndësishme për të mos braktisur orientimin dhe destinacionin europian të Shqipërisë dhe Ballkanit Perëndimor.
Hapja e negociatave do t’i japë impulse të reja bashkëpunimit të Shqipërisë me Holandën dhe vendet e BE-së në luftën kundër krimit të organizuar, trafiqeve dhe korrupsionit për një rajon me të sigurt.
Gjithashtu gjatë vizitës u takova dhe me të rinjtë Shqiptarë që janë modele pozitive. Studentë ekselentë që vijnë nga të gjitha rrethet e Shqipërisë për të studiuar për drejtësi në qytetin e Hagës”, shprehet Hajdari.(TemA)
1 komente në “Rudina Hajdari mesazh Holandës: Shqipëria meriton hapjen e negociatave, faktor stabiliteti, sigurie dhe paqeje në rajon”
Lini një Përgjigje
Lini një Përgjigje
Më të lexuarat
24 oret e fundit
Javen e fundit
Blog Tema
Bravo Rudina!
Kjo eshte opozita ne Shqiperi!
Per Shqiperine, te gjithe bashke, per partite thyefshi qafen, hengshi dhe kokat!